«Өнеркәсіптік технологиялар және инжиниринг-2020» халықаралық конференциясы

2020 жылдың 12-13 қараша күндері М. Әуезов атындағы Оңтүстік Қазақстан университетінде «International Conference of Industrial Technologies and Engineering» атты VII халықаралық конференция онлайн форматында өтеді. (жетінші өнеркәсіптік технологиялар және инжиниринг халықаралық конференция).

Конференция жұмысына Қазақстанда алғаш рет Нобель сыйлығының лауреаттары – әлемдік ғылым жұлдыздары, сондай-ақ ЖОО профессорлары мен оқытушылары, ғылыми-зерттеу институттарының ғалымдары мен қызметкерлері, конференция тақырыбы бойынша ғылыми зерттеулердің елеулі нәтижелері бар Қазақстан Республикасы мен шет елдердің өндіріс өкілдері қатысады.

«Бейбітшілік үшін даму» тақырыбындағы Дүниежүзілік Ғылым күніне орайластырылған «Өнеркәсіптік технологиялар және инжиниринг» атты VII жыл сайынғы Халықаралық ғылыми-практикалық конференциясы М. Әуезов атындағы Оңтүстік Қазақстан университетінде онлайн платформасында өтеді.

Auezov University – еліміздің әлемдегі ТОП-500 университеттің қатарына кіретін көпсалалы ірі жоғары оқу орындарының бірі, Қазақстан тәуелсіздік жылдарында мемлекеттің ағарту және инновациялық даму идеяларына қызмет еткен жоғары білім беру флагмандарының бірі болды. Университет қабырғасында еліміздің мақтанышы болып табылатын белгілі мемлекет және қоғам қайраткерлерінің, кәсіпорын басшыларының, мәдениет және өнер қайраткерлерінің тұтас шоғыры тәрбиеленген.

Конференцияны өткізудің мақсаты COVID-19 пандемиясы жағдайында ғылым мен білімді дамыту, медицина мен биотехнология, химиялық технология, құрылыс және құрылыс материалдары, агроөнеркәсіптік кешен мен тамақ индустриясы, тоқыма өнеркәсібі технологиялары, механика, экология және табиғатты ұтымды пайдалану, жаңартылатын энергетика және энергия үнемдеу технологиялары, IT-технологиялар саласындағы ғылыми зерттеулердің нәтижелерін талқылау болып табылады.

Бүгінгі күні ғылыми зерттеулер жүргізуде коллаборациялар, серіктестік қатынастар өте маңызды. Әлемдік сарапшылармен кездесу өте маңызды және әрқашан өзекті. Әсіресе қазір COVID -19 пандемиясында әлемде маңызды өзгерістер болып жатыр. Конференция аясында Нобель сыйлығының лауреаттары, Үкімет, отандық және шетелдік компаниялар мен ұйымдар өкілдерінің қатысуымен ғылыми сессиялар өтеді: «Пандемиядан кейінгі кезеңдегі тұрақты даму: өңірлердің бәсекеге қабілеттілігін арттыруға арналған сын-қатерлер мен ұсыныстар», «Фармацевтикалық компаниялар халықтың өмірін сақтап қалуға көмектесе ме?», Экономиканың қандай секторларын басымдыққа айналдыру қажет?», «Технологияларды, инновацияларды және адами капиталды дамыту мәселелері бойынша Орталық Азия сұхбаты»,

 «ҒЗТКЖ қызметі экономикадағы қолдауды және қаржыландыруды жарияланымдарда қалай арттырады?» және «Технология және инжиниринг саласындағы жобалар мен зерттеушілерді қолдау және қаржыландыру тетіктері».

Конференцияның ұйымдастырушылары: «Біріккен химиялық компания» ЖШС-і,  «Казфосфат» ЖШС-і, «Арал Сода» ЖШС-і, «Даму» кәсіпкерлікті дамыту қоры» АҚ-ы, «Қазатомөнеркәсіп» ҰАК» АҚ-ы.