Шымкент қаласында жарияланған карантинге қарамастан қалада көлік ағыны толастамай тұр. Яғни көптеген мекеме басшылары шектеу шараларын өз денгейінде түсінбесе керек, орынбасарларынан бастап қызметкерлеріне дейін қалада көлікпен жүруге рұқсат беріп қойған. Бұл жағдай әсіресе қоғамдық көліктердің қозғалысына кедергі келтіріп жол тәртіпсақшыларының карантин кезіндегі жұмыстарын қиындатып отыр. Сонымен бірге мұндай жағдай бірінші кезекте қауіпті індеттің алдын алуға кедергісін келтіретіндігі анық.
Бұл туралы «Nur Otan» партиясы Шымкент қалалық филиалы төрағасының бірінші орынбасары Бахадыр Нарымбетов мәлімдеді. Яғни Шымкент қаласындағы үлкен даңғылдардың бірі саналатын Жібек жолы көшесінде құқық қорғау органы қызметкерлерімен бақылау жүргізген партия өкілдері бірқатар олқылықтарға куә болды. Яғни кейбір көлік иелерінде карантин кезінде көлік жүргізуге ешқандай рұқсат қағаздары болмаса, енді бәрінің рұқсат құжаттары дұрыс болмай жатты. Ал мұндай автокөліктердің барлығы кері қайтарылып тиісті талаптар түсіндіріліп жатты. Сонымен бірге партия өкілдері бұл күні «Күншығыс» мөлтек ауданындағы бірқатар дүкендердің де төтенше жағдайға байланысты карантин кезіндегі жұмыстарымен танысты. Мұнда да кейбір азық-түлік дүкені иелерінің тиісті талаптарды орындамай отырған жағдайлары анықталды. Мәселен дүкендер жұмысы бас санитардың бекіткен шектеулеріне сәйкес карантин кезінде таңғы сағат 10-00 ден бастап кешкі 18-00 ге дейін деп бекітілсе, бұл күнгі бақылау кезінде дүкендерін белгіленген уақыттан ерте ашып алғандар да кездесіп жатты.
