Коронавирус жұқпасының таралуына жол бермеу мақсатында Түркістан облысында залалсыздандыру шаралары күшейтіліп, бақылау артты, — деп хабарлайды Түркістан облысының Тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі.
Қазақстан Республикасы Бас мемлекеттік санитариялық дәрігерінің 12.03.2020 жылғы «Қазақстан Республикасында пандемия кезеңінде коронавирустық инфекцияның әкелінуі мен таралуына жол бермеу жөніндегі шараларды күшейту туралы» №20 ПГВр қаулысында көзделген міндеттер өңірдегі қала мен аудандарда тиянақты жүзеге асырылуда.
Облыс орталығы — Түркістан қаласында халық көп жиналатын орындарда түсіндіру жұмыстары жалғасын тауып келеді.
