«Қазақстанның жеңіл өнеркәсібі: тиімділігі жоғары бизнесті дамытудың қазіргі жағдайы мен перспективалары» тақырыбындағы парламенттік тыңдаулар қарсаңында Шымкент қаласында Парламент Сенаты депутаттарының Экономикалық саясат, инновациялық даму және кәсіпкерлік комитетінің отырысы өтті.
Экономикалық саясат, инновациялық даму және кәсіпкерлік комитетінің төрағасы Жақсыбеков Серік Рыскелдіұлы және Сенат депутаттары Әділбеков Дәурен Зекенұлы және Куртаев Әлімжан Сейітжанұлы бастаған жұмыс тобы Шымкент қаласындағы бірқатар кәсіпорындарда болды.
Жұмыс сапары аясында сенаторлар «Гаухар» ЖШС тігін фабрикасының және AZALA Textile толық циклді тоқыма фабрикасының жұмысымен танысты.
Гаухар тігін фабрикасы 1995 жылы құрылған. Бүгінгі таңда Гаухар тігін фабрикасы — қуатты технологиялық және зияткерлік әлеуеті бар Қазақстандағы ең ірі өндірушілердің бірі. Зауыт киім, әскери және ведомстволық киімдер, мектеп киімдері және үй маталары шығарады.
«AZALA Textile» ЖШС — дайын мақта тоқыма бұйымдарын (иіру, тоқу, бояу, әрлеу, тігу) өңдеу және өндіру үшін толық цикл өндірісі 2009 жылы құрыған, 2015 жылдың қыркүйегінде AZALA Textile Textiles деп аталды. Отандық AZALA тоқыма маталары ішкі нарыққа қарағанда Италия мен Германияда көбірек сұранысқа ие. Зауыт өнімнің 90 пайызын экспортқа шығарылады.
Сенат депутаттары «Оңтүстік» арнайы экономикалық аймағында да болып, онда «АЗАЛА Мақта» ЖШС, «Бал Текстиль» ЖШС және «АГФ Групп» ЖШС жұмысымен танысты.