Көгілдір отын бойынша кенжелеп тұрған Шымкент. Олай деуге негіз бар. Біріншіден газдың бағасы мегаполисте аспандап тұр. Екіншіден газдан улану оқиғалары аз емес. Осындай мәселелер «Нұр Отан» партиясында талқыға түсті. Шымкент қалалық Төтенше жағдай Департаменті: осындай мәселелерді реттеуге қаржы керек дейді.
Осыдан 3 апта бұрын Шымкенттегі бала бақшада бүлдіршіндер мен тәрбиеші уланып қалған болатын. Оған газ жабдығының дұрыс істемеуі себеп. Бұл біз білген оқиға. Ал, білмей орын алып жатқан оқиғалар қаншама? Төтенше жағдай Демартаментінің қызметкерлері, аудан әкімінің орынбасарлары және «КазТрансГаз» мекемесінің мамандары жиылған жинда оқыс оқиғалар айтылып, баяндама жасалды.
Улы газдың ең қорқынышты қасиеті оның иісі жоқтығында. Ұйықтап жатып оянбай қалғандардың басым көпшілігі соның салдарынан. Осы тұрғыда, көшбасшы партияның өкілі «жаман айтпай жақсы жоқ» деп қауіпсіздік шарасындағы кемшіліктерді айтты. Қазіргі таңда газдабылқақыштар орнатылу үстінде. Бағасы 5-10 мыңның көлеміне тұратын бұл құрылғы қаншалықты қауіпсіз? Оның да қуат көзі өшіп, істен шығуы да мүмкін емес пе? Көңілге күдік тудыратын осындай сұрақтарды қамтыған «КазТрансГаз» мекемесінің қызметкері жиын барысында өз ұсыныс білдірді.