Алматыда еліміздегі БАҚ Нарығын дамыту мәселелеріне арналған XII Медиа Құрылтай өтті. Дәстүрлі басқосуда медиа нарығындағы басты тренттермен және соңғы жылдары аса маңызды тақырыпқа айналған қазақ тілінің БАҚ саласындағы мәртебесі талқыланды. Еліміздегі ақпарат кеңістігінің майталмандары мен мамандары жыл сайын дәл осы алаңда бас қосып, тәжірибие алмасып тың идеялармен бөлісіп келеді. Сондай-ақ, телеарналарда жаңа теxнологияларды қолдану мен ұтымды жобаларды жүзеге асырудың әдістері айтылды.
Медиа құрылтайдың 2019 жылғы конференциясы Қазақстан Баспасөз клубының 25 жылдық мерекесімен қатар келіп отыр. Осы жылдар ішінде шынайы мәселелерді көтеріп, тамырын зерттеп, шешімін табуға үлесін қосқан Баспасөз Клубы ұжымының еңбегі осы бір маңызды жиында аталып өтті. Қазақстан Журналистер академиясының Президенті, профессор Сағымбай Қозыбаев
Әсел Қарауылова басқаратын ұжымды арнайы дипломмен марапаттады.
Айта кетейік, Қазақстан Баспасөз клубының президенті Әсел Қарауылова — Қазақстан Журналистер Академиясының академигі, медиа саласының майталманы, білікті басшы.
