ШАРУАЛАРҒА ТҮСІНДІРУ ЖҰМЫСТАРЫ ЖҮРГІЗІЛДІ

Бүгін Жетісай ауданы әкімдігінің үлкен мәжіліс залында аудан әкімі Жамантай Бейсенбаевтың төрағалығымен күзгі жиын-терім науқанына байланысты шаруаларға түсіндірме жұмыстары жүргізілді.
Жиынға Түркістан облысы ауылшаруашылығы басқарма басшысының орынбасары Дербіс Тимур Мейрамбекұлы аудандық маслихат хатшысы Алихан Утанов, Жетісай ауданы төтенше жағдайлар бөлімінің басшысы, Жетісай ауданы полиция бөлімінің инспкеторлары, ауыл әкімдері, және аудандағы барлық шаруалар мен шаруа қожалығының төрағалары қатысты.
Жиында негізінен төрт мәселе қаралды
1. Мақта жиын терімінің барысы туралы
2. Жиын терім науқанындағы өрт қауіпсіздігінің алдын-алу
3. Жиын-терім кезінде жол-көлік оқиғаларының алдын-алу техника қауіпсіздігін сақтау
4. Мақта бағасы және субсидия мәселері

Алғаш болып сөз алған Жетісай ауданы әкімінің орынбасары Асан Маханбетов «қазіргі таңда аудан бойынша 45 мың гектар мақта алқабының 17929 гектары жиналғанын, оның ішінде 13338 гектары комбайн арқылы жиналса, 4591 гектары қол теріммен жиналған» дейді.

Жетісай ауданы ішкі істер басқармасының полиция майоры Ильяс Нақыпбеков қазіргі таңда тракторлардың тіркеме санын үшеуден асырмау бойынша жұмыстар жүргізіліп жатқанын айтып өтті.

Ал, Жетісай ауданы төтенше жағдайлар бөлімінің басшысы
Д. Жамединов өрт қауіпсіздігі жұмыстары толық жүргізілгенін, мақта қабылдау пункттерінде өрттің алдын-алу құрылғылары дайын екендігін атап өтті.
Өз кезегінде Түркістан облысы ауылшарушылығы басқарма басшысының орынбасары Дербіс Тимур шаруаларға субсидия алу бойынша түсіндірме жұмыстарын айтып, қазіргі таңда облыс бойынша мақтаның бағасы 150 теңге болғанын, және мақтаны жинауды жауын-шашынға қалдырмай тездетіп жинап алу үшін қолдағы бар техниканы тиімді пайдалануға шақырды.
Жиынды қорытындылаған аудан әкімі Жамантай Бейсенбаев шаруаларды қолдан мақта терімінің бағасын көтермеуге шақырды. Және мектеп жасындағы балдарды мақта терім жұмыстарына жұмсамау керектігін айтып жиын-терім науқанында шаруаларға сәттілік тіледі.

Жетісай ауданы әкімінің баспасөз қызметі