Төлеби ауданының әкімі ардагерлерге құрмет көрсетті

Төлеби ауданында Халықаралық қарттар күні мерекесі кең көлемде аталып өтті. Яғни мерекеге орай ауданда ардагерлер арасында шахмат жəне бильярд ойындарынан турнир ұйымдастырылса, айтулы жарысты аудан басшысы Бауыржан Омарбеков құттықтау сөзбен ашып берді.

Осыдан 29 жыл бұрын, яғни, 1990 жылы желтоқсан айының он төртінші жұлдызында Біріккен Ұлттар Ұйымының Бас Ассамблеясында 1 қазан — «Халықаралық қарттар күні» деп жарияланған болатын. Алғашында Қарттар күні Еуропада, кейін Америкада, ал 80-ші жылдардың соңында бүкіл әлемде аталып өтетін болды.
Қарттар күнін атап өтудегі басты мақсат — аз қамтамасыз етілген қарт адамдарға, жалғызбасты қарт зейнеткерлер мен қарт мүгедектерге көңіл бөлу, оларға материалдық, әлеуметтік-тұрмыстық және басқа да көмек түрлерін көрсету болып табылады.

Бүгінде Төлеби ауданында еңбегінің жемісін көріп отырған 11 125 зейнеткерлеріміз болса, оның ішінде 5192 мүгедек, 2 Ұлы Отан соғысына қатысушылар, 751 тыл еңбеккерлері бар.
Мереке барысында ауданның ерікті жастарының қатысуымен Ұлы Отан соғысының ардагері Капустина Александра Петровнаның тұрғын-үй ауласын күл-қоқыстардан тазалау жұмыстары жүргізілді.

Одан бөлек аудан әкімі бұл күні Алатау ауылдық окургінің тұрғыны, 103 жастағы тыл ардагері Худабаева Мəуекүл ана мен Екпінді елді мекенінің тұрғыны,

93 жастағы зейнеткер ұстаз Құдайбергенов Қалмырза ақсақалдың шаңырағына арнайы барып қазыналы қарттарымызды мерекемен құттықтады.