Керекуге жаңа травмайлардың соңғы партиясы жеткізілді

Павлодарға Беларусь Республикасынан жаңа трамвайлардың соңғы партиясы жеткізілді. Қазірге кезде қала тұрғындары мен қонақтарына 23 жаңа вагон қызмет ететін болады, деп хабарлайды Павлодар облысы әкімінің баспасөз қызметі.

«Белкоммунмаш»  компаниясы жасап шығарған тағы да екі жаңа вагон қалалық трамвай депосындағы трамвайлардың санын толықтырды.

Трамвайлардың тұсаукесеріне Павлодар облысының әкімі Болат Бақауов, қала ақсақалдары мен қоғамдақстық өкілдері қатысты.

«Белкоммунмаш» компаниясы сервистік орталығының директоры Александр Шутовтың айтуынша жаңа трамвайлар облыс орталығының көркін келтіріп тұр.

– Павлодарға кіргенде біздің вагондарды көргенде қатты қуандым, – деді ол. – Менің ойымша, бұл трамвайлар Павлодар қаласын одан сайын көркейте түсті. Біз әрі қарай да сіздермен жұмыс жасап, ынтымақтастықта болғымыз келеді. Оның үстіне бізде жаңа ұсыныстар бар. Біз Павлодарға трамвайлар, электробустар және гибридті автобустар жеткізе аламыз. Бүгін біз автономды жүрістегі көліктерді дамытуға ерекше көңіл бөлеміз, себебі бұл жылжымалы құрамды сатып алу мен пайдалануда айтарлықтай үнемдеуге мүмкіндік береді. Егер трамвайлар туралы нақты айтатын болсақ, бұл жағдайда электр желісін тартпай-ақ, рельстерді ғана салуға болады.

Жаңа вагондардың жайлылығын кондукторлар да сезініп үлгерді. Көлік кәсіпорнының қызметкерлерінің айтуынша жаңа трамвайлардағы Сонымен қатар, жаңа вагондардағы басқару панелі әлдеқайда жақсы, маневр жасау үшін артық қозғалыс жасаудың қажеті жоқ.

– Жаңа трамвайлардың жүрісі ескі вагондарға қарағанда  бірқалыпты, соның есебінен қозғалыс кезінде ешқандай кедергілер болмайды, – дейді трамвай басқармасының жүргізушісі Елена Евстратова. –. Жүргізуші кабинасында кондиционер бар, бұл әсіресе жаз мезгілінде өте қолайлы. Біздің жолаушыларға да жаңа трамвайлар ұнайды. Салонда бұрынғыдай шулы емес, орындықтар әлдеқайда ыңғайлы.

Павлодар облысының әкімі қазіргі таңда өңірде қоғамдық көліктердің паркін жаңартуға баса назар аударылатынын атап өтті.

– Бізде жаңа вагондарды жеткізу мәселесі болды, оған объективті себептер болды, бірақ ең бастысы жылжымалы құрам іс жүзінде жаңартылып жатыр, – деп атап өтті әкім. – Трамвай – экологиялық таза көлік түрі. Біз павлодарлықтар мен қала қонақтары жайлы қоғамдық көлікпен жүруі үшін барынша күш жұмсайтын боламыз. Сонымен қатар, биылғы жылы автобус паркін 76 пайызға дейін жаңарттық. Дизельді автобустармен қатар қалада 10 электробус жүреді. Мұнда да біз жұмысты жалғастырамыз.