Тұңғыш Президент — Елбасы Нұрсұлтан Назарбаев Қазақстан Республикасының кезектен тыс өтіп жатқан Президент сайлауында дауыс берді. Бұл туралы Tengrinews.kz тілшісі хабарлайды.
Елбасы Нұр-Сұлтан қаласындағы оқушылар үйінде орналасқан сайлау учаскесіне барған. 
Осы тұста Н.Назарбаев: «Құрметті қазақстандықтар! Бүгін Президент сайлауы өтіп жатыр. Халық өз Президентін ғана емес, болашағына да таңдау жасауда» деп айрықша атап өтті.
Ол барша қазақстандықтарға бірлік пен береке тіледі.
Ал, дәл осы сәтте Шымкенттегі №92 сайлау учаскесінде Шымкент қаласы әкімінің бірінші орынбасары Қайрат Нұртай саяси науқанда өз кандидатына дауыс беріп, таңдау жасады.
«Айғақ-ақпарат»
