Ауқымды шараға Қазақстан, Өзбекстан, Қырғызстан, Ресей, Беларус, Әзірбайжан, Тәжікстан елдерінің үздік мамандары қатысты. «ҰЛТТЫҚ МЕДИЦИНА УНИВЕРСИТЕТІ» акционерлік қоғамының урология кафедрасы және Қазақстан урологтар Ассоциациясы сіздерді «Несептас ауруы. Диагностикасы. Емі (консервативті)» тақырыбындағы Қазақстан урологтары пленумы өтуде. Түркістан қаласындағы Қ.А. Яссауи атындағы Халықаралық қазақ-түрік университетінде өтіп жатқан ауқымды шараға ҚР Мемлекеттік сыйлығының лауреаты, ҚР ҰҒА Академигі, «Ұлттық медицина университеті» АҚ урология кафедрасының меңгерушісі м.ғ.д., профессор Мырзакәрім Алшынбаев, Қ.А. Яссауи атындағы Халықаралық қазақ-түрік университетінің Ректоры ҚР ҰҒА Академигі, м.ғ.д., профессор Болатбек Абдрасилов, Түркістан облысы Денсаулық сақтау басқармасының жетекшісі м.ғ.д., профессор Мұқан Егізбаев, «Академик Б.О.Жарбосынов ат. урология ҒО» АО, несептас ауруы бөлімшесінің меңгерушісі м.ғ.д., профессор Малик Малих, «Республикалық мамандандырылған Урология орталығы» АҚ (Өзбекстан) директоры, м.ғ.д., профессор Фархад Акилов, Қырғызстанның бас урологы, ҚММА кафедра меңгерушісі м.ғ.д., профессор Акылбек Усупбаев, Белорусь Республикасының бас урологі, Белорусь мемлекеттік медициналық университетінің урология кафедрасының меңгерушісі, м.ғ.д, профессор Александр Строцкий, Әзірбайжан урологтары ассоциациясының президенті м.ғ.д., профессор Самир Джавад-Заде және басқа да үздік урологтар қатысуда.
Түркістан облысының дәрігерлері ерлер денсаулығын жақсарту мәселесіне қатысты ауқымды жұмыс жасауда. Жиын барысында белгілі болғанындай, Қазақстанда белсіздікке шалдыққан ерлердің саны төмендеген. Ер кісілер арасында импотенцияға шалдығу көрсеткіші 57 пайыздан бірден 17 пайызға төмендеді дейді еліміздің бас урологы Мырзакерім Алшынбаев. Білікті маман бүгін Түркістан облыстық клиникалық аурухана базасында шеберлік сабағын өткізіп, жетекші дәрігерлермен тәжірбие алмасты. Бас уролог елімізде ерлер денсаулығын жақсарту жылдан жылға жақсарып келе жатқандығын алға тартты. Қазір Қазақстанадағы барлық облыста ерлер денсаулық мектебі жұмыс істейді. Мұндай орталық елімізде бірінші болып 2012 жылы облыстық клиникалық аурухана базасында ашылған болатын. Жеті жылдан бері мұндағы мамандар 18 мың ер кісі медициналық тексеруден өткізді.