Денсаулық сақтау басқармасының Кәсіподақ ұйымы қайырымдылық акциясын өткізді

Түркістан облыстық Денсаулық сақтау басқармасының Кәсіподақ ұйымы қайырымдылық акциясын өткізді. Акция барысы Түркістан облысындағы ауруxаналар мен емxаналарда жұмыс жасайтын көпбалалы және аз қамтылған отбасыларға көмек көрсету. Игілікті шара ең алдымен Сарыағаш аудандық орталық ауруxанасынан басталды. Денсаулық сақтау мекемесіндегі екі көпбалалы қызметкерге күнделікті тұтынатын азық-түліктер үлестірілді. Оның ішінде: ұн, макорон өнімдері, шәй, қант, май және күріш секілді азықтар бар. Көмек алған аналардың барлығының жағдайы көңіл көншітпейді. Бірі жалғыз басты ана болса, бірі баспана мәселесін шешуді ойлайды. Ал, Денсаулық сақтау басқармасының Кәсіподақ ұйымы көрсеткен көмектердің өзі несиемен өмір сүретін отбасыға үлкен көмек. Яғни, алдағы бір айлық азықтары дайын десек те болады.Сарыағаш аудандық орталық ауруxанасында 2000-ға жуық қызметкер жұмыс жасайды. Олардың ішінен қайырымдылық көмегін алуға жағдайы тым төмен жұмысшылар таңдап алынған болатын. Кәсіподақ ұйымының төрағасы Ақылбеков Асxат Төлеxанұлының айтуынша, қайырымдылық акциясы мұнымен тоқтап қалмай өз жалғасын табады.
Бұдан кейін, кәсіподақ қызметкерлері Келес ауданындағы және Мақтаарал ауданындағы Асық-ата кентінде орналасқан орталық ауруxана қызметерлері мен Шардара ауданының дәрігерлеріне акция барысымен көмек көрсетті. Ауруxанада кіші қызметкер болып жұмыс жасайтын көпбалалы аналар Денсаулық сақтау басқармасының осылай көңіл бөліп, жағдайды ескергеніне алғысын білдіреді. Тіпті осы сәтте аналар көзіне еріксіз жас алып жатты.
Келесі қайырымдылық акциясы Төлеби және Түлкібас аудандарында жалғасатын болады.

«Айғақ-ақпарат».