«Мемлекет басшысы сіздің қарауыңызға Мейрамбек Таймерденовты Жоғары сот судьясы қызметіне тағайындау туралы ұсынысты енгізді. Белгілі тәжірибелі заңгер, ол прокуратура, әділет органдарында қызмет етті, ұзақ жылдар бойы тікелей сот жүйесінде қызмет етті. Сот қызметінде 15 жылдан астам еңбек өтілі бар, соның ішінде сот басшылығы қызметтерінде 11 жылдан астам», — деп мәлімдеді бейсенбіде сенат отырысында жоғары сот кеңесінің төрағасы Талғат Донаков.
ҚР Жоғары сот судьясының кандидатурасын сенаторлар қолдады.
61 жасар Мейрамбек Таймерденов заңгер мамандығы бойынша еңбек жолын 1983 жылы Алматы облысы Қаскелең аудандық халықтық сотында сот орындаушысы қызметінен бастаған; 1993-1997 жылдары – прокуратура органдарында қызмет атқарған; 1997 жылдың сәуірінде Алматы облысы Жамбыл аудандық сотының судьясы; 1999 жылдан бастап Алматы облыстық сотының судьясы; 2000 жылдан бастап Алматы облысы әділет басқармасының басшысы, тіркеу қызметінің комитеті, ҚР Жоғары соты жанындағы сот әкімшілігі бойынша комитет төрағасы қызметтерінде болған.
