Түркістан облысының әкімі Өмірзақ Шөккевтің алғашқы іс-сапары Ордабасы ауданы кәсіпкерлерінің жұмысымен танысудан басталды. Ең алдымен Қажымұқан ауыл округіндегі «Асыл-тұқымды шаруашылық Ордабасы ешкі сүт өнімдері» ауылшаруашылық кооперативінің жұмысымен танысқан аймақ басшысы кәсіпорынның одан әрі өркендеуіне өз ұсыныс тілектерін жеткізді.
«Асыл-тұқымды шаруашылық Ордабасы ешкі сүт өнімдері» ауылшаруашылық кооперативі «аграрлық несие корпорациясы» АҚ қаржыландырып отыр. Бүгінде іске асқан жоба 1-ші ферманың және жем-шөп жинау ғимараттарының құрылысы салынып, Нидерланд мемлекетінен «Заанен» асыл тұқымды 500 бас ешкі сатып алынып, 31 адамды тұрақты жұмыспен қамтып отыр. Кәсіпорын алдағы уақытта 3-ші ферма ғимараттарын салып, сүт өңдеу зауытын іске қоспақ ниетті. Сондай-ақ, асыл тұқымды ешкілердің санын 6 мың басқа ұлғайтып тәуілігіне 15 тонна сүт өңдеуді қолға алмақ.
Бұдан әрі, Өмірзақ Естайұлының Ордабасы ауданындағы «Бейнеу-Шымкент магистралды газ құбырының 1393 шақырымындағы №19 «Темірлан» АГТС және АГТС-тан Ордабасы ауданының елді мекені арқылы Арыс қаласына дейінгі тартылатын газ құбырын салу» жобасымен танысты. Республикалық және облыстық қазынадан қаржыландырылып отырған бұл жобаның құны 5 млн. жуық теңгені құрайды.
Сондай-ақ, іс-сапар барысында Түркістан облысының әкімі жаңа технологиямен құю өнімдерін, стандартты емес және электр жабдықтарын өндірумен айналысатын «KARLSKRONA LC AB» ЖШС-нің жұмысымен де етене танысты.
