Түркістан облыстық сотының азаматтық істер бойынша сот алқасының төрағасы Т.Бекімбетов Қазақстан Республикасы Президентінің 2018 жылғы 9 қазандағы №768 Жарлығымен Төлеби аудандық сотының төрағасы қызметіне тағайындалған Сейтжапбаров Жәнібек Әлібекұлын ұжымға салтанатты түрде таныстырды.
Іс-шараға Төле би ауданының әкімі, мәслихат хатшысы, прокуратура қызметкерлері, аудандық соттың судьялары мен мамандары, адвокаттар, құқық қорғау органдарының басшылығы, БАҚ өкілдері қатысты.
Т.Бекімбетов жаңа төрағаны жауапты қызметімен құттықтай отырып, оған жүктелген міндеттерді әділдік пен бейтараптылық қағидатын ұстана отырып, жауапкершілікпен атқаруды тапсырды.
Өз кезегінде Ж.Сейтжапбаров өзіне сенім білдірген Мемлекет басшысына және Жоғарғы Сот пен облыстық соттың басшыларына алғысын білдірді.
