«Түркістан облысындағы қаланың, ауданның Құрметті азаматы» атағы кімдерге және не үшін беріледі?

 Түркістан облысының Қоғамдық кеңесінің кезекті отырысында «Түркістан облысы қаласының, ауданының Құрметті азаматы»  атағын беру қағидасының жобасы қаралып, Қоғамдық кеңесі мүшелерінің тарапынан колдау тапты.

«Түркістан облысы қаласының, ауданының Құрметті азаматы» атағын беру қағидасында көрсетілген  талаптарды оқырмандардың назарына ұсынып отырмыз. Атап айтқанда:

1. «Түркістан облысы қаласының, ауданының Құрметті азаматы» атағы не үшін беріледі және не себебтен берілмейді?

«Түркістан облысы қаласының, ауданының Құрметті азаматы» атағы экономиканы, әлеуметтік саланы, ғылым мен мәдениетті, білім беруді дамытуға қосқан үлкен үлесі, мемелекеттік және қоғамдық қызметтегі жетістігі, демократияны,  жариялылық пен әлеуметтік прогресті, рухани және интеллектуалд әлеуетті дамытудағы, заңдылықты, қоғамдық тәртіпті қамтамасыз етудегі жетістіктері, азаматтардың құқықтары мен заңды мүдделерін қорғау жөніндегі белсенді қызметі, ұлтаралық келісім мен қоғамдық тұрақтылықты нығайту, облысты мекендейтін халықтар арасындағы бейбітшілікті, достық пен ынтымақтастықты нығайту жөніндегі жемісті жұмысы, өндіріс саласындағы,  бизнестегі, шығармашылықтағы, спорттағы, мемлекеттік және әскери қызметтегі, қоршаған ортаны қорғаудағы жоғары жетістіктері, қайырымдылық пен мейірбандық қызметтер жасауда облыс алдында айрықша сіңірген еңбегі үшін беріледі.

«Түркістан облысы қаласының, ауданының Құрметті азаматы» атағы азаматтарға көзі тірісіндегі  беріледі.

«Түркістан облысы қаласының, ауданының Құрметті азаматы» атағы заңсыз сотталған және кейіннен сот шешімі бойынша толық  ақталған тұлғаларды қоспағанда соттылығы бар, сондай-ақ бұрын сотты болған тұлғаларға берілмейді.

2.«Түркістан облысы қаласының, ауданының Құрметті азаматы» атағын беруге ұсыну тәртібі

«Түркістан облысы қаласының, ауданының Құрметті азаматы» атағы жылына бір рет беріледі. «Түркістан облысының қаласының, ауданының Құрметті азаматы» атағы жыл сайын әрбір қала, аудан бойынша он адамға дейін-ақ берілуі мүмкін.

«Түркістан облысы қаласының, ауданының Құрметті азаматы» атағын беру еңбек ұжымдары, саяси партиялар, қоғамдық және діни бірлестіктер, сондай-ақ ауылдық округтер (қаладағы аудан) әкімдерінің бастамасы бойынша, жергілікті қоғамдастық жиналыстарының (жиындарының) шешімдері негізінде жүзеге асырылады.

  «Түркістан облысы қаласының, ауданының Құрметті азаматы» атағын беру туралы ұсыныс тиісті қалалық, аудандық мәслихаттарға қала, аудан әкімімен аталған мәселені қалалық, аудандық мәслихаттың сессиясында қарауға дейін 1 айдан кешіктірмей енгізіледі.

«Түркістан облысы қаласының, ауданының Құрметті азаматы» атағын беру туралы шешімді қалалық, аудандық мәслихат қабылдайды.

«Түркістан облысы қаласының, ауданының Құрметті азаматы» атағын беру мәселері бойынша құжаттарды жүргізу мен есепке алуды, қалалық, аудандық бюджеттің есебін куәлігі мен төс белгісін жасауды қала, аудан әкімі аппараты жүзеге асырады.

«Түркістан облысы қаласының, ауданының Құрметті азаматы» туралы куәлікке қала, аудан әкімі мен қалалық, аудандық мәслихаттың хатшысы қол қояды.

«Түркістан облысы қаласының, ауданының Құрметті азаматы» куәлігі мен төс белгіні қаланың, ауданның әкімі, мәслихат хатшысы салтанатты жағдайда тапсырады.

«Түркістан облысы қаласының, ауданының Құрметті азаматы» атағын беру туралы шешім жергілікті мерзімдік баспасөз беттерінде жарияланып, телерадио хабарларынан беріледі.

            3.«Түркістан облысы қаласының, ауданының Құметті азаматы» атағынан айыру және қалпына келтіру

«Түркістан облысы қаласының, ауданының Құрметті азаматы» атағы берілген тұлға, аталған тұлғаға қатысты соттың айыптау үкімі заңды күшіне енген жағдайда, оған атақ беру туралы ұсыныс енгізген қала, аудан әкімдерінің ұсынымы негізінде, тиісті мәслихат шешімі бойынша ол атақтан айырылады.

«Түркістан облысы қаласының, ауданының Құрметті азаматы» атағынан айырылған тұлға, қайталап аталған атақ беруге ұсыныла алмайды.

Заңсыз сотталған және сот шешімі бойынша толық ақталған азаматтарға «Түркістан облысы қаласының, ауданының Құрметті азаматы» атағы тиісті әкімнің ұсынысы негізінде тиісті мәслихаттың шешімімен қалпына келтіріледі.

Дайындаған: Айдар Дидар