КСРО және Қазақстанның Халық әртісі Асанәлі Әшімов жуырда Оңтүстік Қазақстан облысының «Құрметті азаматы» атанған болатын. Осы орайда, мәртебелі атаққа ие болған дара тұлғаны құттықтап, «Айғақ» телеарнасының түсірілім тобы ару қала Алматыға іздеп барды.
Танымал өнер майталманымен ОҚО-ның 85 жылдығы аясында әсерлі сұхбат болды. Жамбыл облысында дүниеге келіп, Кентауда өскен актер «Оңтүстікке қуанып барам» деп шаттанды. «Қаймағы бұзылмаған өңірдің қошеметі мен үшін өзгеше» деп ағынан жарылды. Әкесі соғыста хабар-ошарсыз кеткен Асанәлі Әшімов тіпті көзіне жас алып, Ұлы бабалар ізімен жүрген «Айғақ» телеарнасына ізгі тілегін айтып, ақ батасын берді. Сұхбаттың толық нұсқасын алдағы уақытта арнадан тамашалай аласыздар.
Бағлан Байкөбекқызы
