Бүгін Шымкент қаласы әкімдігінде Қазақстан Республикасының Конституциясы күніне арналған салтанатты іс-шара өтті. Мерекелік шарада шаһар басшысы Ғабидолла Әбдірахымов барша әкімдік қызметкерлерін Конституция күнімен құттықтады. Ата Заң Тәуелсіздігіміздің ажырамас бөлігі және елдегі қоғамдық-саяси жүйенің негізі, қоғамымыздағы тұрақтылықтың кепілі болып табылатындығына тоқталған қала басшысы мұның барлығы Елбасы Нұрсұлтан Назарбаевтың сарабдал саясаты мен елдегі татулықтың арқасы екендігін айтып өтті.
Мереке қарсаңында Ғабидолла Рахматоллаұлы салтанатты түрде қаламыздың азамат жасына толған жастарына жеке куәлік табыстады. Мемлекеттік қызметке қадам басқан қызметкерлер Ата заңға адал болуға серт етіп, ант қабылдады.
Іс-шара соңында отаншылдық тақырыбындағы патриоттық әндер шырқалып, концерттік бағдарламаға ұласты.
Шымкент қаласы әкімінің баспасөз қызметі
