Қазақстан Республикасы Президенті Әкімшілігінің және Түлкібас аудандық мәслихатының келісімі бойынша Оңтүстік Қазақстан облысы әкімінің өкімімен Түлкібас ауданының әкімі болып Әуелхан Елтайұлы Тұрғымбеков тағайындалды
Әуелхан Елтайұлы 1959 жылы 29 қазанда Оңтүстік Қазақстан облысында дүниеге келген. Қазақ ауыл шаруашылығы институтын, Қазақ химия-технологиялық институтын тәмамдаған. Еңбек жолын 1981 жылы — Шымкент облысы Ленгір ауданы «Сельхозтехника» өндірістік бірлестігінің аға инжинер технологы болып бастаған. 1983-1988 жылдары — Қазақстан ЛКЖО Ленгір аудандық комитетінің нұсқаушысы, Қазақстан ЛЖКО Леңгір аудандық комитетінің комсомол ұйымдары бөлімінің меңгерушісі, хатшысы. 1985-1991 жылдары — Қазақстан ЛЖКО Шымкент облыстық комитетінің лекторлық тобының меңгерушісі, сектор меңгерушісі, Шымкент облыстық халықтық бақылау комитетінің нұсқаушысы. 1991 жылы — Облыстық халық депутаттары кеңесі ұйымдастыру-кеңес жұмыстары және тұрақты комиссия бөлімінің бас референті, Шымкент облыстық халық депуттары кеңесі ұйымдастыру-кеңес жұмыстары және тұрақты комиссия бөлімінің бас маманы. 1992 -1993 жылдары — Шымкент облысы әкімшілігі ұйымдастыру-талдау бөлімінің инспекторы. 1993-1994 жылдары — Төлеби ауданы әкімінің орынбасары, бірінші орынбасары. 1994-2002 жылдары — ОҚО әкімі аппараты ұйымдастыру-инспекторлық бөлімінің меңгерушісі, басшысының орынбасары, ұйымдастыру- инспекторлық бөлімінің меңгерушісі, ұйымдастыру — инспекторлық мәселелер бойынша орынбасары, Оңтүстік Қазақстан облысы әкімі аппараты басшысының орынбасары — ұйымдастыру — инспекторлық бөлімінің меңгерушісі, Оңтүстік Қазақстан облысы Шардара ауданының әкімі. 2002-2006 жылдары — ОҚО әкімі аппаратының басшысы. 2006 жылы — Оңтүстік Қазақстан облысы Сайрам ауданының әкімі. 2007-2009 жылдары — «Нұр Отан» ХДП ОҚО бойынша филиалы төрағасының бірінші орынбасары. 2009 жылы — ОҚО әкімінің кеңесшісі. 2009 жылдан бастап жаңа қызметке дейін Оңтүстік Қазақстан облысының Төлеби ауданының әкімі қызметін атқарған.
118 мың халқы бар Төлеби ауданын табаны күректей 7 жыл басқарған Әуелхан Елтайұлының мемлекеттік қызметте тәжірибесі мол. Басқарушылық қабілеті жоғары. Таулы аймақтың туризмін дамытып, өндірісін өркендетуде Тұрғымбековтің өз қолтаңбасы бар. Енді санақ бойынша 106 мың тұрғынды құрайтын Түлкібастағы серпінді жобаларды жүзеге асыру сенімі артылып отыр.
Осылайша, Оңтүстік Қазақстан облысының әкімі Бейбіт Атамқұлов соңғы бір жылда алғаш рет ротация арқылы аудан басшыларын тағайындап отыр. Бұл өңірде кадрлардың «Алтын қор» резервін қалыптастыруды жүйеге қойған әкімнің еңбегін танытты.
