Бүгін өңір басшысы Қазақстан Республикасы Ұлттық ұлан Бас қолбасшысының тәрбие және әлеуметтік-құқықтық жұмыстар жөніндегі орынбасары, генерал-майор Сатов Мұхаметқали мен Ұлттық гвардияның «Орталық» өңірлік қолбасшылығындағы 6505 әскери бөлімі командирінің бірінші орынбасары – штаб бастығы, халық қаһарманы Қайрат Үмбетовті қабылдады.
Кездесу барысында облыс әкімі ел ерлігімен еңселі екенін айтып, өз басын қатерге тігіп, адамды өлімнен құтқарған Қайрат Үмбетовке алғысын білдірді. Сонымен қатар, көзсіз батырлығы үшін алған «Халық қаһарманы» атағы мен айрықша ерекшелік белгісі — Алтын жұлдыз бен «Отан» орденімен шын жүректен құттықтады. Отанды қорғау жолында әскери қызметпен бірге азаматтық парызды абыроймен атқарып, еліміздің тыныштығы мен тұрақтылығын сақтаудағы еңбектерін бағалап, қос әскер саласының қызметкерлерін облыс әкімінің Алғыс хатымен марапаттады.
ОҚО әкімінің баспасөз қызметі
