Төрт қазақстандық көне қаланы ЮНЕСКО Дүниежүзілік мәдени мұралар тізіміне енгізу жоспарлануда, деп мәлімдеді ЮНЕСКО және ИСЕСКО істері жөніндегі ҚР Ұлттық комиссиясының отырысында ҚР мәдениет және спорт министрі Арыстанбек Мұхамедиұлы. Өз сөзінде ол, «Қазір біздің мақсатымыз — Ұлы Жібек жолының одан арғы жалғасын тізімге енгізу. Сонымен қатар, Ұлы Жібк жолының Сырдариядағы бөлігі және Сығанақ, Отырар, Сауран, Сарайшық қалаларының көне орындары енгізіледі. Таяу арада ЮНЕСКО отырысында біз осы ұсынысымызды енгізе аламыз», — деді. Оның айтуынша, сәйкес номинацияларын тағайындау нәтижесінде ЮНЕСКО Қазақстанға реставрациялау жұмыстарын жүргізуге көмектеседі. «Мысал ретінде өткен жылы Қожа Ахмет Яссауи мавзолейін реставрациялау кезінде үлкен мәселе туындағанын айта аламын, сол кезде ЮНЕСКО тарапынан көмек көрсетілді», — деп баса айтты ол. Министр Сарайшық қаласының сәулеттік келбетін сақтауға алаңдайтынын білдірді. «Сарайшық облыстық басқарманың назарындағы нысан ғана емес, Дүниежүзілік мұра нысаны мәртебесін алса деп тілейміз. Сонда біз басқа да қаражаттарды тарта аламыз», — деп түсіндірді ол. Министр атап өткендей, Қазақстанда ЮНЕСКО бастамасымен мәдениеттерді жақындастырудың мамандандырылған орталығы жұмыс істейді, оны академик әрі археолог Карл Байпақов басқарады. «Осы орталықтың арқасында ЮНЕСКО-мен ғана емес, әлемнің басқа да ірі мәдени орталықтарымен өзара іс-қимылының арқасында көп есе белсенді болады. Біз Қазақ хандығының 550-жылдығының арқасында Қазақстанда алғаш рет Көне Тараз археологиялық қалашығын ұйымдастырдық», — деді ол.
РӘМІЗДЕРГЕ ҚҰРМЕТ — БАЛАБАҚШАДАН БАСТАЛАДЫ
Мемлекеттік Рәміздерді дәріптейтін маңызды күнді №73 «Айжан» бөбекжай бақшасы сүйіспеншілікпен атап өтті. Отанға деген махаббат балабақшадан басталады. 350 бала тәрбиеленіп...
