Еліміздің тарихи, мәдени құндылықтары мен саяси жетістіктері жайлы толық мәлімет бар электронды энциклопедия жасалады.
Сондай-ақ болашақта әлемдік деңгейдегі Эрмитаж, Лувр, Ватикан сияқты мұражайлар бой көтереді. ҚР Ұлттық мұражайында Ассамблея залы ашылмақ. Ал «100 нақты қадам» ұлт жоспары аясында бірнеше жобалар жүзеге асыралады. Біріншіден, туризм саласын жандандыру. Оның ішінде ішкі туризмді дамыту. Яғни «Астана – Еуразия жүрегі», «Алматы – Қазақстанның еркін мәдени аймағы», «Алтай інжулері», «Ұлы Жібек жолын қайта жаңғырту», «Каспий қақпасы» секілді өңірлік мәдени-туристік кластерлер құру. Екіншіден, Қазақстанның мәдени байлығын шетелде таныстыратын «Мәңгілік мұра» жобасы қолға алынбақ. Бірегей жоба еліміздің мәдени мұрасын әлемдік мұралар қорымен ықпалдастыруға сеп болмақ. Үшіншіден отандық театрлар репертуарын кеңейту жоспарланған. Яғни еліміздегі мәдениет ошақтарының әлемдік деңгейдегі театрлармен байланысын нығайту. Осылайша Қазақстан жазушыларының туындыларын шетелдіктерге таныстыру көзделіп отыр.
Арыстанбек Мұхамедиұлы, ҚР Мәдениет және спорт министрі: — Дамыған мемлекеттердің жоғары әлеуметік мәдени стандарттарына сәйкес келетін және жоғары мәдениет қоғамын қалыптастыруға бағытталған отандық мәдениет пен өнерді дамытуға жаңа серпін беру үшін бірегей мүмкіндік болып табылады. Ұлттың мәдени жадын қалыптастырудың негізі ретінде отандық мәдениет пен өнердің бәсекеге қабілеттілігін арттыру тарихи мәдени мұраны дамытуды жатқызуға болады.
