Қасымов

Қасымов Қазақстандағы қылмыстың алдын алудың көп деңгейлі жүйесінің жоқтығын мойындады

Астана. 14 қыркүйек. ҚазТАГ — Баубек Қоңыров. Қазақстан Республикасы Ішкі істер министрі Қалмұханбет Қасымов Қазақстандағы қылмыстың алдын алудың көп деңгейлі жүйесін жоқтығын мойындады.

«Құқық қорғау жүйесінің барлық күш-жігері, ең алдымен, қылмысқа қарсы күрестің басты бағыты болып табылатын қылмыстың алдын алуды белсендендіруге бағытталған.

Өкінішке орай, бізде құқық қорғау органдары ғана емес, басқа да орталық мемлекеттік және жергілікті атқарушы органдар, сондай-ақ қоғамдық ұйымдар мен азаматтық қоғамның басқа да институттары қатысатын елдегі қылмыстың алдын алудың көп деңгейлі жүйесін құруға әлі де қол жеткізе алмадық», — деді Қ. Қасымов жұма күні орталық коммуникациялар қызметінің брифингінде.

Оның айтуынша, өңірлердегі қылмыстың алдын-алу жағдайы негізінен жергілікті полицияның қызметіне, бірінші кезекте полиция учаскелік инспекторларына, кәмелетке толмағандар мен жол полициясының патрульдеріне байланысты, бірақ олардың жұмысында кемшіліктер бар.

Сурет: ашық дерек көздерінен




Добавить комментарий

Ваш e-mail не будет опубликован. Обязательные поля помечены *

error: Content is protected !!