129

Асқар Мырзахметовтің Жамбылды басқарғанына жарты жыл

Асқар Мырзахметов Жамбыл облысының тізгінін осыдан тура алты ай бұрын қолға алды. Содан бері көрші облыста қоғамдық өмірінің қай саласында болмасын жұмыстың жүйелене түскені жасырын емес. Құрылыс қарқын алып, әлеуметтік-экономикалық көрсеткіштер түзеле түсті. Ә, дегеннен-ақ көне шаһар Тараздың сәулеттік келбеті өзгергенін байқадық. Тәжірибесі мол, ептілігі ерекше Асқар Исабекұлы осындай іскерлігімен Жамбылдық ағайынның мақтауына іліккен.

Сырт көз қашанда сыншы. Шымкенттен 180 шақырым қашықтықта жатқан Тараз қаласында соңғы кездері өзгеріс байқалып жүр. Жыл басында Жамбылға әкім болып барған Асқар Мырзахметов облыстың басты айнасына назар аударып, кескін-келбетін әрлей түсті. Алдымен Бауыржан Момышұлы атындағы «Жеңіс» саябағын жаңартудан бастады. Облыстық драма театр алдындағы еңселі Бауыржан Момышұлы ескерткіші осында көшіріліп, «Ерлік» мемориалды кешені салынды. Яғни, саябақта Ұлы Отан соғысына қатысқан Кеңес одағының батырлары, Жамбылдық жауынгерлердің есімі мәр-мәр тасқа қашалып жазылған. Құрылысы қысқа уақытта қарқынды жүргізілді.Ел назарын аударған сол саябақта Жеңіс күні тойланғанда баспасөз басылымдары жарыса жазған болатын. Аймақтық ажарын ашқан мұндай монумент Таразда тұңғыш рет.

2

Осылайша, саусақ бірігіп, ине іліккен Әулиеатада әлеуметтік ғимараттар жарыса бой көтеріп жатыр. Соның ішінде Қордай ауданының тұрғындары игілікті іске куә. Себебі, осындағы Әлжан ана тарихи музейі пайдалануға беріліп, барлық деректер жинастырылды. Жәдігерлердің бір парасы Әлжан ана мен оның туыстарына арналған. Облыс әкімі Асқар Исабекұлының тапсырмасына сәйкес бар болғаны 1,5 айда бой көтерген музей заманауи цифрлы технологиямен жабдықталыпты.

Сондай-ақ, Әлжан ана ауылында дәрігерлік амбулатория мен спорт алаңшасы Елорда тойы қарсаңында іске қосылып, ел азаматтарының қуанышы көбейді. Айтпақшы, Астананың 20 жылдығы қарсаңында Жамбыл облысында 20 нысан ашылып отыр. Соның бірі Жаңатас қаласында. Жылына 50 мың тонна ас тұзын шығаратын «Асыл тұз» ЖШС істі бастап, 75 адам жұмыспен қамтылуда. Жалпы Талас, Қаратау, Шу, секілді аудандар да қоныс той көбейіп, өңірді басқарып отырған Асқар Исабекұлы іскерлігімен ерекшеленіп  ел аузында жүр.

Күні кеше Астананың 20 жылдығына орай «Астана аймақтардың арқауы» атты облыстық форум өтті. Онда облыс әкімі тек құттықтаумен шектелмей, алдағы уақыттың еншісінде тұрған қыруар шаруа баяндалған болатын. Шыны керек, Мырзахметов Жамбыл облысына әкім болып барғалы бері бірқатар істің басы шалынып, Тараз түрлене бастады. Бұл туралы тұрғындарда растап отыр. Ағаштар егіліп, гүлзарлар жаңарып жатыр. Тарихи қаладағы көпірлер мен аялдамаларды заман талабына сай етіп өзгерту қолға алынғалы біршама уақыт өтті. Жергілікті тұрғындармен бірлесіп жеті рет өлшеп, бір рет кесіліп жатқан жұмыстар легін тізе берсек аз емес.

1

2018 жылдың 10 қаңтарынан бастап Жамбылдың билігін тізгіндеп отырған Мырзахметов Асқар Исабекұлы 1962 жылғы. Бұған дейін талай қызметті атқарған белгілі шенеуніктің өмірбаянына қысқаша шолу жасасақ. Ол Бәйдібек ауданының топырағында аунап-өсіп, Созақтағы Жартытөбе елді мекенінде балдәурен шағы өткен. Шымкент қаласындағы мектепте орта білім алды. Салмақты мінезімен, қарапайым бейнесімен ерекшеленген азамат елшілікте, ауылшаруашылық саласында еңбек етіп жүріп көзге түсті. Алты жылдан астам уақыт Оңтүстік Қазақстан облысын басқарған Мырзахметовтің жұмысын жұртшылық әлі күнге дейін сағынышпен еске алады. Ауылшаруашылық саласының министрі, вице-премьер болған кезде де аянбай тер төкті. «Алыстағы ағайынның аты озғанша, жақындағы көршінің тайы озсын» дейтін халық емеспіз бе? Сондықтан Жамбылды басқарғанына жарты жыл болған жерлестің алар асуы әлі алда деген сеніммен, қандай биікті бағындырсада қашанда тілеулеспіз!

Бағлан БАЙКӨБЕКҚЫЗЫ.




Добавить комментарий

Ваш e-mail не будет опубликован. Обязательные поля помечены *

error: Content is protected !!