Түркістан облысында төселген жолдардан 2020 жылы 114 кемшілік анықталған.
Өткен жылы тұрғындардың арыз-шағымы негізінде «Түркістан-адалдық алаңы» жобалық кеңесінің менеджерлері мен «Жол активтері ұлттық сапа орталығының» өңірлік филиалы инженерлерінің қатысуымен жүргізілген зерделеу жұмыстарының нәтижесінде жалпы саны 114 кемшілік дерегі, соның ішінде өндірістік-техникалық құжаттаманың жүргізілмегендігі, асфальт-бетон жамылғысындағы тегіссіздіктер мен жол төселімдерінің жамылғыларында сызаттардың болуы, сынулар мен ығысулардың орын алуы, жол жиектерінің бұзылғандығы және асфальт бетон жамылғысынан алынған сынамалар бекітілген талапқа сәйкес келмейтіндігі анықталған. Осы орайда анықталған кемшіліктерді жою бойынша келтірілген ұсыныстардың негізінде тиісті жұмыстар атқарылып, бүгінгі күні 114 бұзушылықтың 97-сі яғни 86 пайызы қалыпқа кетірілген. Бұл туралы Сыбайлас жемқорлыққа қарсы іс-қимыл агенттігінің Түркістан облысы бойынша департаменті басшысының бірінші орынбасары Мирас Қарғабай мәлім етті.