Медиация – мәміле алаңы. Ізгілікті қоғам құру құралы. Түркістан облысындағы медиация, яғни дауласушы тарапты бітімге келтіру үшін қызметін анықтау, жетілдіру және тұлғаның құқығы қорғалуы – басты назарда. Маңызды мәселе Қазақстан халқы ассамблеясының Түркістан облысы бойынша медиация кеңесінің кезекті отырысында ортаға салынды.
Өңірдегі медиация институтын даму бағытында атқарылған жұмыстар туралы баяндаған Түркістан облыстық сотының судьясы Бауыржан Тәңірбердиев орын алған қылмыс, заңбұзушылық факторларына тоқталып өтті.
Өткен жылы ұйымдастырылған іс-шаралардың нәтижиесінде облыс бойынша 1361 дау медиация рәсімі арқылы сотқа дейінгі және сот барысындағы тәртіппен, медиаторлардың қатысуымен оң шешілген. Осы мәселеге қатысты облыстық «Жастар ресурстық орталығы» басшысы Амалбек Өміртай жастар арасында жиі кездесетін проблемаларды атап, оларды шешу жолдарын жеткізді. Ауқымды жұмыстар әрі қарай жалғасын табады.
