Бүгін ҚР Сыбайлас жемқорлыққа қарсы іс-қимыл Агенттігінің Түркістан облысы бойынша департаментінің басшысы Хаким Көшқалиевтің қатысуымен баспасөз брифингі өтті.
Брифинг барысында пара бергендер мен парақорлыққа делдал болғандар және бизнеске заңсыз араласу деректері бойынша жауапкершілікті күшейту мәселелері айтылды.
Бұл жөнінде Департаменттің Превенция басқармасының басшысы Ғабит Жүндібаев өткен жылдың 20 желтоқсан күні Мемлекет басшысы Қасым-Жомарт Тоқаев сыбайлас жемқорлыққа қарсы іс-қимылдың тиімділігін одан әрі арттыруға бағытталған бірқатар тұжырымдамалық шараларды көздейтін Заңға сәйкес, пара беру мен парақорлыққа делдал болу, сондай-ақ, кәсіпкерлік қызметке заңсыз араласу дерегі үшін жауапкершілікті күшейту мақсатында қабылданған нормаларға кеңінен тоқталып өтті.
Ғабит Өмірәліұлы бұл өзгерістер Мемлекет басшысының Қазақстан халқына Жолдауында пара берушілер мен делдалдардың жауапкершілігін күшейту жөніндегі тапсырмасы аясында орындалғанын және Қылмыстық кодекске тиісті түзетулер енгізіліп, лауазымды адамдарды параға сатып алумен әдейі айналысатын, заңсыз сыйақы беру кезінде делдал болған адамдар, елеулі қылмыстық жауаптылықта болатынын жеткізді.
Спикер бұған дейін пара берушілерге ең жоғары жаза 5 жылға дейін бас бостандығынан айыруды құраса, қазіргі жаңа Заңнамаға сәйкес, жазаның жоғарғы шегі 7 жылға дейін ұлғайтылып, бұл автоматты түрде ауыр құқықтық салдары бар санатқа жататынын, сондай-ақ делдалдар үшін де айыппұлдың мөлшері 2 есеге ұлғайтылып, бизнесті қорғауды күшейту контексінде, кәсіпкерлердің жұмысына кедергі келтірмеу мақсатында да Қылмыстық кодекске жауапкершілікті күшейтетін түзетулер енгізілгенін атап көрсетті.
Ғабит Өмірәліұлы брифинг соңында азаматтарды БАҚ арқылы заңсыз сыйақы төлеу арқылы мәселелерді шешуден бас тартуға шақырып, бұл үшін қатаң қылмыстық санкциялар қарастырылғанын тілге тиек етті.
Сонымен бірге Түркістан облысы бойынша мемлекетке келтірілген залалдың 99 пайызы қазынаға қайтарылған.
Бұл жөнінде брифинг барысында Қазақстан Республикасы сыбайлас жемқорлыққа қарсы іс-қимыл агенттігінің Түркістан облысы бойынша Департаментінің Штаб басшысы Жомарт Аитов мәлімдеді.
Айталық 2020 жылдың 12 айында жедел -тергеу бағытында департаментпен 97 қылмыс анықталып, оның 72 — сі сыбайлас жемқорлық қылмыстарына тиесілі болған. Сондай-ақ, өңірде ең көп орын алған сыбайлас жемқорлық әрекеттері білім беру саласында — 24, жер қатынастары саласында — 13, тұрғын үй — коммуналдық шаруашылық саласында — 9 әлеуметтік қорғау және денсаулық сақтау салаларында — 5, ал құрылыс саласында 4 жағдай орын алған.
Баспасөз жиынында Жомарт Аитов шағын және орта кәсіпкерлік бизнесіне мемлекеттік органдардың лауазымды тұлғаларымен заңсыз араласудың 18 дерегі анықталғанын, 15 кәсіпкердің құқықтары мен бостандығы қорғалып, аталған қылмыстар бойынша жергілікті атқарушы органдарының 10 лауазымды тұлғасы сот үкімімен сотты болғанын тілге тиек етті.
Бұдан бөлек, өндірістегі қылмыстық істер бойынша жалпы 1 млрд. 345 млн теңге залал анықталып, оның 1 млрд. 335 млн теңгесі, яғни 99 пайызы өндірілген.
ДӘСТҮРДІ ДӘРІПТЕГЕН БІРЕГЕЙ ОРТАЛЫҚ
Ғасырдан-ғасырға жетіп, түп-тамырын үзбей келе жатқан ұлттық құндылықтар – елдігіміздің бір белгісі. Саф мұрамыздың қадір-қасиетін бағамдай білген дана қазақ оны...