9 ақпан күні ҚР Премьер-Министрінің орынбасары Бердібек Сапарбаев бастаған Үкіметтің жұмыс тобы Қордай ауданында Сортөбе, Масанчи, Ауқатты және Қаракемер ауылдарының тұрғындарымен кездесу өткізген болатын. Кездесулерге сонымен қатар Парламент Сенатының вице-спикері Бектас Бекназаров, Жамбыл облысының әкімі Асқар Мырзахметов, ҚХА төрағасының орынбасары Жансейіт Түймебаев, Парламент Мәжілісінің депутаты Бақытбек Смағұл қатысты.
Ал, бүгін Үкіметтік жұмыс тобының комиссиясы Жамбыл облысының «Қарасу» кеден бекетіне арнайы барды. Бұл туралы Жамбыл облысы әкімінің кеңесшісі Жасұлан Әбдіхалық өзінің фейсбук парақшасында хабарлады деп жазады «Айғақ-Ақпарат» тілшісі.
Сондай-ақ, вице-премьер Б.Сапарбаев бастаған үкіметтік комиссия мүшелері жаппай төбелесте қаза тапқан Дархан Әбдірахымның отбасына көңіл айтты.
Облыс әкімі Асқар Мырзахметов жауаптылар заң алдында жазаланатынын жеткізсе, марқұмның отбасына барлық көмек көрсетілмек.