Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ MEDIA
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Айғақ MEDIA»Сарыағашта кеден мәселесі талқыланды
    Айғақ MEDIA

    Сарыағашта кеден мәселесі талқыланды

    Айғақ медиаАйғақ медиа08.02.2020478 Views

    Бүгін Түркістан облысының прокуратурасы жанындағы заңдылықты, құқықтық тәртіпті және қылмысқа қарсы күресті қамтамасыз ету жөніндегі Үйлестіру кеңесі Сарыағаш ауданына оралып, көшпелі отырысын қайта өткізді. Облыс прокуроры Нұрғалым Әбдіровтің төрағалығымен өткізілген Үйлестіру кеңесінің жұмысына облыс әкімі мен сот төрағасы, құқық қорғау және уәкілетті органдарының бірінші басшылары қатысты.

    Күн тәртібіне сәйкес бірінші сұрақ ретінде Кеңес мүшелері облыстағы этносаралық келісім мәселелері бойынша уәкілетті органдардың атқарып жатқан жұмыстарының тиімділігін қарап, ұлтаралық келісімді реттеу және этностар арасында қақтығыстардың алдын алу және болдырмау жолдарын талқылады.

    Екінші сұрақ бойынша өткен жылы Сарыағаш қаласында өткізілген Үйлестіру кеңесінің отырысында берілген тапсырмаларды құзырлы органдардың орындау жағдайларына баға берілді.

    Кеңес отырысында Н.Әбдіров кеден маңында қалыптасқан проблемалар өңіріміз үшін маңызды сұрақтардың бірі болып табылатынын атап өтіп, құзырлы органдардың жыл көлемінде сол төңіректе белең алып жатқан заңсыз валюта айырбастау, ретсіз сауда жүргізу, заңсыз миграция мен жолаушы тасымалдау орындарын ретке келтіру жөнінде берілген тапсырмаларды орындаусыз қалдырғанын тілге тиек етті.

    Баяндама жасаған облыс прокурорының бірінші орынбасары А.Пашаев: «Оңтүстік аумақтарда алаяқтық, пәтер ұрлығы, тонау, қарақшылық пен есірткі затының заңсыз айналымына байланысты қылмыстар өскен. Бұл жөніндегі статистикалық мәліметтер — құзырлы органдардың қылмыс пен құқық бұзушылық профилактикасы жұмыстарының тиімсіздігін көрсетіп отыр», — деп атап өтіп, кеден айналасындағы бірқатар заңсыздықтардың тыйылмай жатқанын баяндады.

    Шетел азаматтарының көші-қон саласында жалған карточкаларды пайдалану деректері көбейген. Шекара қызметі осындай заңсыздықтарға қатысты 2018 жылы – 62, 2019 жылы – 249 фактіні тіркеген.

    Кеден бекеттерінен өтіп жатқан жүк көліктері сапасыз тексерілуде.

    Мәселен, «Атамекен» кеден бекеті арқылы 2019 жылы Өзбекстан Республикасынан Қазақстан Республикасына 4 765 дана ауыр жүк көліктері жалпы салмағы 93 106 тонна қиыршық тастарын тасымалдаған.

      Елге қиыршық тастарды әкеп, көліктің жанар-жағармай багының конструкциясын өзгерту арқылы 1 тонна көлеміндегі жанар-жағармайды Өзбекстан Республикасына өткізуді жүзеге асырып келген.

    Мысалы, дайындаушы зауыт шығарған «КамАЗ» 55111 маркалы жүк көлігінің стандартта көзделген багының көлемі 250 литрді құраса, Өзбекстаннан келген осы көліктерінің бактары 1000-1500 литрге арналып, қайта жабдықталған.

    Көрші елде Қазақстан Республикасына қарағанда жанармайдың әр литрі 50 тенгеге қымбат. Ал науқан кездерінде Қазақстан Республикасының жергілікті аудан тұрғындары үшін жанар-жағармай тапшылығы туындап, үлкен мәселеге айналуда.

    Кеден бекеттері маңында орналасқан автотұрақтардың жағдайы да сын көтермейді. Типтік түрде салынбаған және антисанитариялық жағдайлардағы автостанцияларда тиісті рұқсаты жоқ және техникалық талаптарға сәйкес келмейтін көлік құралдары күнделікті жолаушыларды тасымалдауда.

    «Атамекен», «Қапланбек», «Қазығұрт» пен «Қонысбаев» кеден бекеттеріндегі ретсіз сауда орындары және валюта айырбастау пунктері әлі күнге дейін заң талаптарына сәйкестендірілмеген.

    Жыл бойы осы және басқа да мәселелерге жауапсыздықпен қараған құзырлы органдардың лауазымды тұлғалары аталған мәселелер тұрғысында берген есептері мен жауаптары тындалып, оларға берілген тапсырмаларды орындау турасында қатаң нұсқаулар жасалды.

    Ахуалды түзету мақсатында облыс прокуроры өз міндеттерін талапқа сай орындамаған лауазым иелерінің жауаптылығын қатаң түрде қарауды ұсынып, кеден маңында қалыптасқан проблемалық жұмыстарды қайта қарауды тапсырды.

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    ПУМСЭ ТАЕКВОНДОСЫ РЕСМИ МӘРТЕБЕСІН АЛДЫ

    18.11.2026

    ҰЛТТЫҚ ВАЛЮТАҒА – 33 ЖЫЛ

    18.11.2026

    ЦИФРЛЫҚ ДӘУІРДЕГІ ЖАСТАРДЫҢ ӘЛЕУЕТІ

    18.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.