Алтын қолды дәрігер алтын инемен емдеудің қыр-сырын үйретіп жатыр. Тамыр ұстап, дертін тап басып айтып, талай жанның алғысын арқалап жүрген Жасан Зекейұлының Шымкенттегі орталығына «Айғақ» телеарнасының тілшілері арнайы барып, емдік шараларды жүргізу барысымен танысып қайтты. Жақсы адамның жаны жомарт, көңілі таза, ақылы дариядай кең, – деген қанатты сөз Жасан Зекейұлының авторлық кітабының алғашқы бетінде жазылыпты. Иә, осындай ізгі ниетті алға қойған абзал жан әр келген науқастың халін сұрап, денесін дендеген дертті инемен аластап, бойын дәрілік шөппен қуаттандырады. Тамыр ұстау жайлы да ел ішінде түрлі көзқарас бар. Бірі мұны – бақсылыққа баласа, енді бірі – ғылымның бұл түріне бет бұрып, нәтижесін де көрген. Бұл орталықтан еңбектеген баладан еңкейген қартқа дейін кездестіруге болады. Дәрігер әрқайсысын жеке қабылдап, диагнозына қарай емдік шараларды да бірден жазып ұстатуда.
Профессор Жасан Зекейұлының айтуынша, күз айларында жасалатын емдік шара мүлде басқа. Жаз айларындағы аптап ыстықтарда көтерілген қан қысымы мен қыс айларында дендеп кететін суық тиюдің алдын-алуға арналған емдеу курстары жүргізіледі. Асқазан, омыртқа, жүрек ауруларымен келіп отырғандардың да қатары қалың.
Бұл орталықта қолыңа дәрінің тізімін ұстатып қайтара салу жоқ, толық кешенді нәтижелі ем ұсынады. «Жас–Ай» медициналық орталығына алыстан ат шаптырып келіп, шынайы шипагерлігіне алғысын білдіріп жатқан науқастар да өте көп. Жанды жеген жан ауруынан айығып жатқан ақсақалдар да ақ батасы нағыз еңбектің жемісі екендігін айқындап тұр.
