Түркістан қаласында екі бірдей үшемдер дүниеге келді. Яғни, қала тұрғыны 29 жастағы жас ана Саера Токлиева 27 мамыр күні 2 ұл 1 қыз сәбилерін дүниеге əкелді. Жас отбасы оларға Фатима, Зухра жəне Исмайыл есімдерін берген. Бұған дейін де үш перзент тəрбиелеп отырған Саера осылайша көпбалалы ана атанды.
Бұдан өзге нақ осы Түркістан қалалық 3-ші перинаталдық орталықта екінші үшемдерді дүниеге əкелген тағы бір жас ана Динара Нарханова болатын. Ол үш бірдей ұл баллаларды босанып шаңырағын шаттыққа кенелтіп отыр. Дəрігерлердің айтуынша бүгінде үшем босанған аналар мен нəрестелердің денсаулықтары жақсы жағдайда. Сондықтан жас аналар бүгін перзентханадан шықты.
Айтулы шараға қатысқан Түркістан облыстық денсаулық сақтау басқармасының басшысы Мұқан Егізбаев үшем босанған аналарды арнайы құттықтап сыйлықтар табыс етті.
Айта кету керек бұл жыл басынан бері облыс көлемінде дүниеге келген 7- ші үшемдер болып отыр.
