Шымкент қаласы ұлттық бірыңғай тестілеудің қортындысы бойынша облыста екінші орында. Өткен жылмен салыстырғанда екі сатыға жоғарылаған мегаполистің білім саласы, осылайша өзінің оң нәтижесін беріп отыр. 98 оқушы «Алтын белгі» иегері атанып, 50 оқушы үздік аттестат арқылы өз білімдерін дәлелдеді. Алтын ғасырдың алтын шәкірттерін қала әкімі арнайы құттықтап, ғылым жолында сәттілік тіледі.
Шырайлы Шымкентте биылығы жылы 6430 оқушы мектеп бітірді. Олардың 4072-сі ұлттық бірығай тестілеуге қатысып, өз бақтарын сынады. Оның ішінде шектік 125 баллды 2 түлек иеленіп, 11 жылдық білімдерінің үздік екендігін айғақтады. Алтын ұя мектептен үлкен өмірге қанат қаққалы отырған үздіктерді қала әкімі Ғабидолла Рахматоллаұлы арнай құттықтап, жас түлектерге ерекше қолдау танытты.
Естеріңізге сала кетейік, облысымызда 6 түлек ең жоғарғы көрсеткішке қол жеткізіп, 125 балл жинаған болатын. Олардың екеуі Шымкенттен. Марапаттау легі тестілеуден мүлтіксіз ұпай жинаған осы оқушылардан басталды. Олар: №120 жалпы орта мектебінің түлегі Ерасыл Балтабай мен №15 мектеп-гимназиясының түлегі Ақтолқын Асан. Сондай-ақ қала мектептерінен 124 баллды 10 оқушы жиннаса, 120-123 балла арасында 64 оқушы өздерінің үздік білімдерін дәлелдеді. Бірқатар жас түлектер мұнан соң қалалық мәсоихсттық хатшысы Нұрлан Бекназаров пен ардагер ұстаз Сайлаугүл Бараховалардың қолынан өз алтын белгілері мен арнайы сыйлықтарын алды. Мерекелік жиын барысында №58-ші жалпы орта мектептің оқушысы Елтай Бахардин білім нәрімен сусындатқан ұстаздарға барлық бітірушілер атынан өз алғысын білдірді.
Оқушының маңдайынан жетістіктің желі ессе, ұстазының арқасы. Өмір жолының алғашқы шыңын бағындырған зерек те, зейінді шәкірттерге ілім берген ұстаздардың еңбегі расында ерен. Бұл күні №65 мектеп-гиназиясының ұстаздарың артқан үміті ақталып отыр. Яғни білім ұясынан 8 бірдей шәкірт алтын белгі иегері атанды.
Ботагөз Мәдібек
