Оңтүстік Қазақстан облысы әкімдігінің ұйымдастыруымен Шымкент қаласындағы Ш.Қалдаяқов атындағы облыстық филармонияда «Менің Қазақстаным» атты патриоттар форумы өтті. Шараға облыстық және аумақтық басқармалар мен департаменттердің басшылары, зиялы қауым, саяси партиялардың, үкіметтік емес ұйымдар мен ұлттық-мәдени орталықтардың, жастар ұйымдарының өкілдері. Сонымен қатар, Астана қаласынан арнайы келген ҚР Ұлттық ұланның Бас қолбасшысының тәрбие және әлеуметтік-құқықтық жұмыстар жөніндегі орынбасары – генерал-майор Сатов Мұхаметқали мен жерлесіміз «Алтын жұлдыз» және «Отан» ордендерінің иегері облысмыздағы алғашқы «Халық қаһарманы» атағына ие болған полковник Үмбетов Қайрат қатысты.
Форум жұмысында облыс әкімінің орынбасары Ұласбек Сәдібеков сөз алып, барша облыс жұртшылығын мерекемен құттықтады. Сондай-ақ, түрлі салаларда өңірдің әлеуметтік-экономикалық дамуына, өсіп-өркендеуіне сүбелі үлес қосқан азаматтарды облыс әкімінің Алғыс хатымен марапаттады. Мемлекеттік рәміздер — Мемлекеттік Ту, Елтаңба және Гимн — егемен еліміздің, тәуелсіз мемлекетіміздің ең басты құндылықтары. Бүгінде еліміздің көгілдір Туы Біріккен Ұлттар Ұйымында, Еуропадағы қауіпсіздік пен ынтымақтастық ұйымында, тағы басқа да халықаралық ұйымдарда желбіреп, Қазақстанның абыройын асқақтата түсуде. Қазақстанның тәуелсіздігімен бірге оның Мемлекеттік Туы, Елтаңбасы және Гимні дүниеге келді. Патриоттар форумына қатысушы жастар Мемлекеттік рәміздерді Қазақстанды — аса құрмет тұтатынын және баға жетпес бақыт санайтындарын айтады.
