2016 жылдың 3 мамыр күні, күндізгі уақытта Шымкент ҚІІБ Әл-Фараби ПБ-не Шымкент қаласы Рысқұлов көшесінде орналасқан көпқабатты үйдің бірінде пәтер ұрлығы орын алғаны туралы хабар келіп түседі. Оқиға орынан барған жедел тергеу тобының анықтағанындай, белгісіз азамат кіреберіс есіктің екі құлпын бұзып, 52 жастағы жергілікті тұрғынның үйіне кірген және пәтерден бағалы тоны, әшекей бұйымдарын, ақшасын алып кетіп, 5 мың АҚШ долларынан асатын шығын келтірген. Одан кейін оқиға орнынан ізін суытқан.
Аталған жайт бойынша ҚР ҚК 188-бабымен «Ұрлық» қылмыстық іс қозғалды. Сотқа дейінгі тергеу амалдары жүргізілуде. Жедел іздестіру жұмыстары барысында полицейлер қылмыстық іске қатысы бар деген күдіктіні жақын маңдағы дүкенге кіріп, сатушымен есептесіп, дүкеннен шығып кеткені бейнекамераға түскенін анықтады.
ОҚО полицейлері орын алған ұрлық туралы қандай да бір ақпарат белетін азаматтар бар болса, дереу полицияға «102» телефонына хабар беруін сұрайды.
ЖАТ ҚЫЛЫҚ ЖАРҒА ЖЫҒАР
Суицид, нашақорлық және діни экстремизм қазіргі қоғам дерті. Аталған мәселелердің алдын алу үшін Сайрам ауданы прокуратурасының бастамасымен кәмелетке толмағандар арасында...
