Бүгін Қазақстандағы Өзбекстан туризмі жылының жабылуына оорай Шымкент қаласында бизнес-форум басталды. Форум екі елдің туризм саласындағы жемісті ынтымақтастығын қорытындылайды.
Шараға UNESCO кластерлік бюросының директоры Криста Пиккат, Дүниежүзілік туристік ұйымның Жібек жолын дамыту жобасының жетекшісі Алла Пересолова, Travel Hunter компаниясы бас директорының орынбасары Маргарита Полоник, экотуризм ақпараттық-ресурстық орталығының мүшесі Дагмар Шрайбер, сонымен қатар Жібек жолы мемлекеттері бизнес қауымдастығының өкілдері қатысып отыр.
Форумға қатысушылар панельдік сессияларда Жібек жолы мемлекеттерінің өзара серіктестігі, соның ішінде Орталық-Азия аймағының Ресей мен Еуропа елдері нарықтарында турөнімдерді насихаттау мәселелерін талқылап, саланы дамыту жөніндегі шаралар жайын пысықтайды. 
Форумда Өзбекстанның Жібек жолы жобасы аясында туризмді дамыту тәжірибелері ортаға салынады. ОААЭЫ бағдарламасының өңірлік консультанты, Қазақстандағы Азия даму банкінің өкілі туризм саласында өңіраралық жобаларды дамытудың негізі ретінде Орталық Азиядағы экономикалық дәліз жобасы жайлы баяндайды. Форумның қорытынды бөлімінде Жібек жолы бойынша Жаңа трансшекаралық тур таныстырылды.
Форум аясында «Ұлы Жібек жолы бойымен» фотокөрмесі өткізілді. Мұнда «Kazakh Tourisim» ҰК» АҚ ұйымдастырған фотобайқауға қатысқан кәсіби және әуесқой фотосуретшілердің жұмыстары қойылған. Форум қонақтары жергілікті халықтың бай мәдениеті мен тұрмыстық ерекшелігін, салт-дәстүрлері мен киелі орындарын, көне сәулет ескерткіштерін, жанға жайлы демалыс орындары мен Ұлы Жібек жолы бойындағы мемлекеттердің табиғаты бейнеленген суреттерді тамашалайды.
Шараға Қазақстан мен Өзбекстанның кәссіби суретшілер қатысуда. Өз жұмыстарын көпшілік назарына ұсынған олар «Қазіргі замандағы Жібек жолы» тақырыбында көркем суреттен шеберлік сағатын өткізді.
Тоғжан Нарбай.
