«Айғақ»: Түркістан облысында 116 шағын кәсіпкерлік субъектісіне грант ұсынылды

«Бизнестің жол картасы 2020» бизнесті қолдау мен дамытудың бірыңғай бағдарламасы шеңберінде шағын кәсіпкерлік субъектілеріне жаңа бизнес-идеяларды іске асыру үшін өтеусіз және қайтарымсыз негізде мемлекеттік гранттар беру түрінде мемлекеттік қолдау құралы қамтылған. Бір кәсіпкер үшін гранттың ең жоғары сомасы 3 млн. теңге.

2017-2018 жылдарға мемлекеттік гранттар беруге Түркістан облысына 89,0 млн. теңге қарастырылған, оның ішінде 2017 жылы — 29,0 млн. теңге, 2018 жылы – 60 млн. теңге.

Мемлекеттік гранттар беру 2013 жылдан бастап жүзеге асырылуда.

2013-2018 жылдарға мемлекеттік грант ұсынуға бюджеттен
360,0 млн теңге қаржы бөлініп, 116 шағын кәсіпкерлік субъектісіне грант ұсынылған.

2013 жыл – 90 000,0 мың теңге, 22 грант;

2014 жыл – 41 000,0 мың теңге, 8 грант;

2015 жыл – 55 000,0 мың теңге, 22 грант;

2016 жыл – 85 000,0 мың теңге, 34 грант;

2017 жыл – 29 000,0 мың теңге, 10 грант;

2018 жыл – 60 000,0 мың теңге, 20 грант.

Жалпы берілген гранттар бойынша өз бизнесін бастауға ынтасы бар жеке және заңды тұлғалар тарапынан 116 азамат мемлекеттік гранттар алып жаңадан 200-ден астам жаңа жұмыс орындарын ашқан.

Мемлекеттік гранттар шағын кәсіпкерлік субъектілеріне, оның ішінде ісін жаңа бастаған жас кәсіпкерлерге, ісін жаңа бастаған кәсіпкерлерге, сондай-ақ әйелдерге, мүгедектерге және 50 жастан асқан тұлғаларға Бағдарлама шеңберінде экономиканың басым секторларында және өңдеуші өнеркәсіп салаларында жаңа бизнес-идеяларды іске асыру үшін өтеусіз және қайтарымсыз негізде беріледі.

Дайындаған: Айдар Дидар