Бүгін Төлеби ауданында 4 бірдей білім беру ошағының қосалқы ғимараттары ашылды.
Аққұм а/о Жаңаұйым елді мекеніндегі Жаңаұйым орта мектебінің және Бірінші Мамыр а/о Бірінші мамыр елді мекеніндегі «Бірінші Мамыр» жалпы орта мектебі сондай-ақ, Леңгір қаласы Таскешу елді мекеніндегі 100 орындық бастауыш мектебінің және Қаратөбе а/о Қаратөбе елді мекеніндегі «Аршалы» мектебінің құрылыстары аяқталды.
2017 жылдың қарашасында басталған Жаңаұйым елді мекеніндегі Жаңаұйым орта мектебіне оқу блогы, асхана, кітапхана, шеберхана, спорт зал, акт зал және әкімшілік бөлмелерінің құрылысы аяқталып пайдалануға берілді. Мердігер мекеме: «Андас групп» ЖШС-і. Мекеме директоры — Б.Тұяқбаев. Қосымша құрылыстың конкурстық құны: 446 553,8 мың теңге.
2017 жылдың маусым айында басталған Бірінші мамыр елді мекеніндегі «Бірінші Мамыр» жалпы орта мектебінің оқу блогының, спорт залы, акт залы, асхана, шеберхана, кітапхана және әкімшілік бөлмелерінің құрылысы аяқталып пайдалануға берілді. Мердігер мекеме: «Қаржан Тау» ЖШС-і. Мекеме директоры — А.Амалбаев. Қосымша құрылыстың конкурстық құны: 438 359,0 мың теңге.
Мемлекеттік-жекешелік әріптестік негізінде 2017 жылдың қазан айында Леңгір қаласы Таскешу елді мекеніндегі 100 орындық бастауыш мектебінің құрылысы аяқталып пайдалануға берілді. Мердігер мекеме: «СК Дар» ЖШС-і. Мекеме директоры — Ғ.Жұмашбеков. Құрылыстың конкурстық құны: 261 475,2 мың теңге.
2017 жылдың қазан айында Қаратөбе а/о Қаратөбе елді мекеніндегі «Аршалы» мектебінің құрылысы аяқталып пайдалануға берілді. Мердігер мекеме: «Көкше строй плюс» ЖШС-і. Мекеме директоры – Д.Ержігіт. Құрылыстың конкурстық құны: 257 600,0 мың теңге.