Қалада қайырымдылық жәрмеңкесі өтуде

Мегаполис  тұрғындары үшін  «Мектепке жол» атты қайырымдылық  жәрмеңкесі өткізілуде. Жәрмеңкеде жеке кәсіпкерлер өз өнімдерін екі есе арзан бағада қала тұрғындарына ұсынуда. Осы орайда ата-аналар балаларын  жаңа оқу жылына керекті киімдерімен, оқу құралдарын арзан бағада ала алады. Акция 26 тамызға дейін өз жалғасын таппақ.

 Акцияны өткізудегі мақсат-  әлеуметтік жағдайы төмен отбасыларға, жетім балаларға және ата-анасының қамқорлығынсыз қалған балаларға жаңа оқу жылына дайындық кезеңінде және әлеуметтік себептермен мектепке бармауының алдын алу үшін материалдық және басқа да көмек көрсету болып табылады.
Жыл сайын  шаһарымызда жаңа оқу жылының қарсаңында «Мектепке жол» қайырымдылық республикалық шарасын өткізу дәстүрге айналған.  Биыл « Бақытты балалық шақ» ұранымен өткізілуде.  Сонымен қатар, бұл шара кәсіпкерлерге қолдау болып отыр. Жеке кәсіп иелері өз өнімдерін жәрмеңкеде арзан бағада сатуда. Әрі ұснылған товарлары жылдам өтіуде. Атап өтетін жайыт жыл сайын өткізіліп жатқан осынау шараға демеушілер мен меценанттар тарапынан көрсетілетін көмектер мен қолдаулардың үлесі зор.

 Он жылдан бері үзілмей келе жатқан қайырымдылық шарасы аясында биыл тұрмыс жағдайы төмен отбасылар мен ата-аналарының қамқорлығынсыз қалған 15 мыңға жуық балаға әлеуметтік көмек көрсетілмек. Жалпы  60 миллионнан астам теңгені құрайды. Акция 26 тамызға дейін жалғасад. Қала тұрғындарын жәрмеңкеге шақырамыз.

 Зарина Қалиева