Алматыдағы Бостандық ауданында Батырхан Шүкенов атындағы көше пайда болды, деп хабарлады қала әкімдігінің баспасөз қызметінен.
«Алматы әкімдігі жанындағы ономастикалық комиссияның 2018 жылғы 18 мамырдағы және ҚР үкіметі жанындағы республикалық ономастикалық комиссияның 2018 жылғы 10 шілдедегі қортындысы негізінде Алматы әкімдігі қаулы етеді және Алматының VІ шақырылмдағы мәслихаты Алматы Бостандық ауданы «Алатау» ықшамауданындағы Наурыз көшесін Батырхан Шүкенов атындағы көше деп атауды шешті», делінген бейсенбідегі хабарда.
Сонымен қатар Алатау ауданы «Алғабас», «Боралдай», «Мәдениет», «Теректі», «Әйгерім-1», «Өжет», «Көкқайнар», «Заря Востока» ықшамаудандарындағы, Бостандық ауданы «Алатау», Ақтөбе», «Ерменсай», «Нұрлытау», «Ремизовка» ықшамаудандарының көшелеріне де жаңа атаулар берілді.
«Алматының Алатау, Бостандық аудандарының әкімдеріне, «Алматы қаласының экономика және бюджеттік жоспарлау басқармасы», «Алматы қаласы жолаушылар көлігі және автомобиль жолдары басқармасы», «Алматы қаласы сәулет және қала құрылысы басқармасы» коммуналдық мемлекеттік мекемелеріне осы қаулыны және шешімді жүзеге асыру бойынша қажетті шараларды қабылдасын»,- делінген хабарда.
Еске салсақ, қазақстандық әнші 2015 жылдың 29 сәуірінде Мәскеуде жүрек талмасынан өмірінің 53-жылында көз жұмды. Ол Алматыдағы Кеңсай бейітіне жерленді.
Б. Шукенов 1962 жылы 18 мамырда Қызылордада дүниеге келген. Музыкалық еңбек жолын әнші Роза Рамбаеваның саксофоншысы қызметінен бастаған. 1988 жылы достарымен бірге «А-Студио» тобын құрып, оның солисті және фронтмені болған. Ансамбль «Джулия», «Солдат любви», «Эти теплые летние дни», «Нелюбимая» және басқа да хиттарымен танылған.
Әнші жеке карьерасы үшін топтан 2000 жылы шығып кеткен. Сол уақыт ішінде өз әндерімен 6 дискі шығарған.
Б.Шүкенов Қазақстан тарихында бірінші рет ЮНИСЕФ елшісі болған.
Фото: almaty.tv