«ҚР Президентінің келісімімен ҚР Бас прокуроры Қ.Қожамжаровтың 2018 жылғы 9 тамыздағы бұйрығымен Шымкент қаласының прокуроры болып Мақсат Қожабаев тағайындалды», деп хабарлайды ҚР Бас прокурорының баспасөз қызметі.
М.Қожабаев Президенттік резервте облыс прокуроры лауазымында тұрған. Сондай-ақ, мегаполистің жаңа прокуроры бұрынғы Оңтүстік Қазақстан обылысының прокуратура органдарында қызмет жасаған. Яғни, Оңтүстік Қазақстан облысының ауданы және облыс прокурорының орынбасары лауазымында болған.
М.А. Қожабаев 1974 жылы туған. Прокуратура органдарында 1997 жылдан бастап қызмет етіп келеді.
Әртүрлі жылдары аудан прокуроры және Оңтүстік Қазақстан, Шығыс Қазақстан облысы мен Алматы қаласы прокурорының орынбасары лауазымында болды.
2012-2017 жылдар аралығында Сыбайлас жемқорлыққа қарсы іс қимыл қызметінде Жамбыл және Батыс Қазақстан облысы бойынша Сыбайлас жемқорлыққа қарсы іс қимыл ұлттық бюросының басшысы қызметін атқарды.
2017 жылдың желтоқсан айынан бастап Жамбыл облысы прокурорының бірінші орынбасары.
Заңдылық пен құқықтық тәртіпті нығайтудағы қосқан елеулі үлесі үшін Мемлекет басшысынң Жарлығымен «Жауынгерлік ерлігі үшін» медалімен марапатталған.
