Философия ғылымдарының докторы, академик Ғарифолла Есім Павлодар қаласында өткен «Ұлы дала» этнофестивалінде «Мәңгілік ел» болу философиясының 7- айқындамасын атап айтты. Соның ішінде ой салып, назарға ілінгені 4 — ші айқындама. «Қазақ қызының идеологиясы» тақырыбында болды.
— Қыз бала — қазақ елі үшін басты құндылық және ұрпақ жалғастығы. «Қазақ қызы» идеясы деген пәнді оқыту бағдарламасын да енгізіп жатыр. Шынында қазақ қызын идея деп құрметтемесек біздің демографиялық ахуалымыз және экологиялық, рухани байлығымыздың жағдайы құлдырып кетуі мүмкін. Елге белгілі біздің Айша бибі , Домалақ ана сынды көптен дана аналарымыз болған. Олар көркем мінез бен ақылдылығымен өзін дүйім жұртқа сыйлата білген. Қазіргі таңда қоғамымыздағы ең үлкен мәселе «Қазақ қызының ағасы бар ма?», «Қазақ қызының қорғаушысы бар ма?». Міне, осы мәселені ойланып, дұрыс көзбен қарауымыз керек. Егер де қазақ қызына деген ешқандай қорғау болмаса, біз өз келешегімізді қорғай алмай жатқанымыз. Келешегіміздің кемелденуі осы қазақ қыздарының тәрбиесімен тығыз байланысты, — деп Ғарифолла Есім келелі ой айтты.