Бүгін Қазақстан Республикасы Премьер-Министрінің орынбасары — Ауылшаруашылығы министрі Өмірзақ Шөкеев Түркістан облысына жұмыс сапарымен барды. Түркістан қаласында өңірдегі АӨК-ны дамыту бағдарламасының және инвестициялық жобалардың іске асырылуы аясында семинар-кеңес өтті.
Жалпы АӨК-ні дамытудың мемлекеттік бағдарламасы Мемлекет басшысының жыл сайынғы Жолдауларында жүктелген стратегиялық міндеттерді, бірінші кезекте АӨК-дегі еңбек өнімділігін және өңделген ауылшаруашылығы өнімдерінің экспортын кем дегенде 2,5 есеге ұлғайту міндетін іске асыруға бағытталған.
Зәкірлік кооперация негізінде етті және сүтті мал шаруашылығын дамытудың мамандылығы атап өтілді. Өңірлік салалық бағдарламалар шеңберінде өңірде 10 жылда бордақылау алаңдарының айналасында жалпы сүтті ірі қара мал басы 150 мыңнан асатын 3 мың отбасылық ферма құрылатын болады. Қой басы 300 мың басқа дейін ұлғаймақ. Сонымен бірге, өңірде тұқымды жақсарту көрсеткіштері төмен күйінде қалып отыр (бар жоғы 15% мал тартылған). Өңірде мал шаруашылығын жүргізуге арналған 2 млн-ға жайылым пайдаланылмайды, оларды фермерлік шаруашылықтарға кредит берудің қолжетімділігн ескере отырып, отбасылық фермалар желісін құру есебінен айналымға енгізу қажет.
Кеңес пікір алмасу және өңірдің тауар өндірушілерінің маңызды мәселелерін талқылау форматында жалғасын тапты. Жаңа суармалы жерлерді айналымға тартудың өзекті мәселелері қаралды. Түркістан облысы бойынша барлығы 35 898 га жаңа суармалы жерді пайдалануға енгізу жоспарлануда.
Сондай-ақ, Түркістан облысында іске асырылып жатқан инвестициялық жобалар таныстырылды. «Нұрым» ЖШС-нің басшысы Сырым Ертаев экспортқа бағдарланған 10 мың басқа арналған бордақылау алаңын таныстырды. Кәсіпорын жыл басынан бері 1300 тонна сиыр етін Өзбекстанға экспорттады.
Сонымен қатар, Вице-Премьер Түркістан қаласында салынып жатқан түйе және бие сүтін өңдейтін «GOLDEN CAMEL» ЖШС зауытының жұмысымен танысатын болады. Айта кетейік, зауыт тәулігіне 100 тонна түйе сүтін өңдеуге қуатты және ағымдағы жылға қазан айында пайдалануға беріледі. Сондай-ақ, алдағы уақытта зауыт өнімі түгелдей экспортқа бағытталады. Ал, бұл жоба шетелдік инвестициялар есебінен іске асырылатын болады.
«GOLDEN CAMEL» ЖШС зауытынан соң, ауылшаруашылығы техникасын құрастыратын «KAZ KIOTI» ЖШС зауытының ағымдағы қызметімен танысады.