Шетелдік кәсіпкерлерді Қазақстанда қандай мәселелер мазалайды

ҚР Ұлттық экономика министрлігі барлық дипломаттарды жинап, Қазақстанның экономикасын дамыту саласындағы жоспарларды таныстырды. Осы орайда елшілер көкейде жүрген сұрақтарын қойды, деп xабарлайды ҚазАқпарат.

Нидерланды елшісі Дирк Ян Коптың айтуынша, таза экономикалық көрсеткіштермен бизнес ортаны жақсарту мүмкін емес. Заң үстемдігі болмаса, инвесторлар келуге асықпайды. «Біз Қазақстанның ірі инвесторы әрі әріптесі ретінде осы елдің дамуына мүдделіміз. Экономикалық ынтымақтастық және даму ұйымына мүше болуға деген құлшынысыңыз да қуантады. Себебі оған дамыған 30 мемлекет кіреді. Бірақ аталған ұйымның рейтингінде экономикалық индикаторлар мен заң үстемдігі арасында тығыз байланыс бар. Оның ішінде сыбайлас жемқорлықпен күрес, адам құқықтары және тағы басқа мәселелер ескеріледі. Сондықтан таза экономикалық индекске басымдық бермей, басқа да көрсеткіштерді жетілдіру керек. Сонда ғана бизнес климат жақсарады», — деді Д.Ян Коп. Шетелдік кәсіпкерлерді Қазақстанда қандай мәселелер мазалайды.

ҚР Ұлттық экономика вице-министрі Мәдина Жүнісбекованың айтуынша, бүгінде ел Үкімет азаматтардың құқықтарын қорғау, жалпы заң үстемдігі мәселесіне баса назар аударып келеді. «Әрине, таза экономикалық көрсеткіштермен кете беруге болмайды. Біз оны жақсы түсінеміз. Мәселен, сіз сыбайлас жемқорлық туралы айттыңыз. Қазақстан сыбайлас жемқорлықпен күрес бойынша Стамбул жоспарына қосылған болатын. Осы салада нәтижелі жұмыс атқарылып келеді. Адам құқықтарын қорғау шаралары да қолға алынды. Президенттің бес институционалды реформасы бар. Аталған мақсаттар заң үстемідігін күшейтуді көздейді», — деп атап көрсетті М.Жүнісбекова. Шетелдік кәсіпкерлерді Қазақстанда қандай мәселелер мазалайды.