Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ MEDIA
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Жаңалықтар»Қазақстандық БАҚ әрдайым дамып отыру үрдісінен артта қалмауы керек – Абаев
    Жаңалықтар

    Қазақстандық БАҚ әрдайым дамып отыру үрдісінен артта қалмауы керек – Абаев

    Айғақ медиаАйғақ медиа10.07.2018290 Views

    Дәурен Абаев ҚР Ақпарат және коммуникациялар министрлігі мен Азия-Тынық мұхиттық хабар тарату одағы бірлесіп қолға алған «Азия медиа диалогы» жобасының басталғалы тұрғанын хабарлады.

    Қазақстаннның Орталық коммуникациялар қызметінде өткен брифинг барысында ҚР Ақпарат және коммуникациялар министрі Дәурен Абаев өзі басқарып отырған министрлік пен Азия-Тынық мұхиттық хабар тарату одағы бірлесіп қолға алған «Азия медиа диалогы» жобасының басталғалы тұрғанын хабарлады. Сондай-ақ, ол қазақстандық бұқаралық ақпарат құралдары әрдайым дамып отыру үрдісінен артта қалмауы керектігін атап өтті, деп хабарлайды bnews.kz тілшісі.

    «Біздің министрлік пен Азия-Тынық мұхиттық хабар тарату одағы (ABU) бірлесіп қолға алған «Азия медиа диалогы» жобасының басталғалы тұрғанын хабарлаймыз. Бұл іс-шарада бірнеше семинар мен конференция өтеді. Талқыланатын басты тақырыптың бірі – телерадиохабар тарату саласын заманға лайық дамыту болмақ. Форумға Азия-Тынық мұхиты елдерінің ұлттық және аймақтық хабар тарату бірлестіктерінің 100 аса өкілі қатысады. Қазақстандық медиа менеджерлер мен журналистер аталған шараны таратуға атсалысады деген сенімдемін», — деді министр.

    Дәурен Абаевтың сөзінше, телевизия мен радио жоғары технология бойынша әрдайым дамып отыруы қажет және қазақстандық БАҚ бұл үрдістен артта қалмауы керек. Сондай-ақ, ол Қазақстан Азия-Тынық мұхиты хабар тарату одағымен алғашқы рет бірлесе отырып жоба жасап отырғанын атап өтті.

    «Азия медиа диалогы» біздің Азия-Тынық мұхиты хабар тарату одағымен (ABU) әзірлеп отырған алғашқы ірі жобамыз. Өздеріңіз білетіндей, бұл одақ коммерциялық емес ірі кәсіби қауымдастық және ол 69 елдегі 292 хабар тарату ұйымының басын біріктіріп отыр. Оның әлеуетті аудиториясы шамамен 3 млрд адамды құрайды», — деді ҚР Ақпарат және коммуникациялар министрлігінің басшысы.

    Сонымен қатар, брифинг барысында Дәурен Абаев қазақстандық телерадиохабар тарату ұйымдарының жетістіктеріне тоқталып өтті.

    «Бүгінде қазақстандық телерадиоиндустрия да белсенді дамып келеді. Осылайша, Қазақстанда 200-ден астам телерадиоарна тіркелген, аналогты цифрлық-кабельдік хабар тарату желілері сәтті жұмыс жасауда, қазіргі уақытта министрлік цифрлық эфирлік хабар таратуға көшу бойынша жұмыстар жүргізіп жатыр және өз контентін шетелде сату бойынша отандық телеарналар табысты шараларды іске асырды. Осы жылдың қыркүйек айында біз Astana Media Week шарасын өткізуді жоспарлап отырмыз», — деген сөзін түйіндеді министрліктің басшысы.

    Сондай-ақ, «Қазмедиа» орталығының бас директоры Ләззат Жүнісова алдағы күндері Астанада өтетін «Азия Радиосы» фестивалінде қазақстандық әншілер өнер көрсететіні туралы мәлімдеді.

    «10-12 шілде аралығында Астанада өтетін «Азия медиа диалогы» халықаралық жиынға әлемнің 37 елінен келген 100-ге жуық өкіл қатысады. Жиын аясында бірқатар маңызды іс-шара өткізу жоспарланып отыр. Атап айтсақ, 10-11 шілдеде «Азия радиосы» халықаралық конференциясы болады. Мұндай конференция Қазақстанда алғаш рет өткізілгелі отыр. Шара барысында радиохабар таратудағы маңызды бағыттар талқыланады. 11 шілде Азия радиосының Халықаралық ән фестивалі өтеді. Фестивальге Үндістан, Вьетнам, Қытай, Түркия және тағы 10 мемлекеттен келген жас әншілер қатысады. Ал Қазақстаннан атынан Рүстем Жүгінісов пен Джордан Аракелян өнер көрсетеді», — деді Ләззат Жүнісова.

    Медиаорталықтың бас директоры фестваль «Қазмедиа» орталығының киноконцерт залында өтетінін және сағат кешкі 19:00-де басталатын бұл шараға кіру тегін екенін атап өтті.

    «12 шілде күні «MEDIA – 2020″ Халықаралық конференциясы өтеді деп белгіленіп отыр. Оның аясында Еуропа мен Азияның алдыңғы қатарлы медиабасшылары медиа саланы дамытудың өзекті мәслелерін талқылайды», — деді «Қазмедиа» орталығының басшысы.

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    ШЫМКЕНТ МЕРГЕНДЕРІ ӘЛЕМДІК АРЕНАДАДА ТОП ЖАРДЫ

    16.11.2026

    ҚАЛАНЫҢ ЖАСЫЛ КЕЛБЕТІ: ЭКОЛОГИЯЛЫҚ ЖАҢҒЫРУ МЕН ТАЗА ОРТАҒА БАҒЫТТАЛҒАН ЖҰМЫСТАР

    16.11.2026

    ДАҢҚТЫ БАПКЕРДІҢ ҚҰРМЕТІНЕ ХАЛЫҚАРАЛЫҚ ДОДА

    12.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.