Бүгін Түркістан облысының әкімі Жансейіт Қансейітұлы Түймебаев дүниеге келген. Қуаныш иесін бүгінгі мерейлі күнімен шын жүректен құттықтай отырып, басыңыздан бақ кетпесін, отбасыңыздан береке-байлық арылмасын демекпіз!
Тілейміз бақытты өмір ашық аспан,
Жалғанда тілек бар ма одан асқан.
Аман боп жанұяң мен бауырларың,
Жалғансын ақ таңдарын нұрын шашқан!
Түймебаев Жансейіт Қансейітұлы 1958 жылы дүниеге келді. 1-ші сыныпты Төтенше және Өкілетті Елші, филология ғылымдарының кандидаты, профессор.
Оңтүстік Қазақстан облысында туған. Қазақ мемлекеттік университетін, Мәскеу мемлекеттік әлеуметтік университетінің зан факультетін бітірген. 1980-1993 жылдары — Қазақ мемлекеттік университетінің ассистенті, аға оқытушысы, доценті. 1993-1994 жылдары — Қазақстан Республикасы Сыртқы істер министрлігінің бірінші хатшысы, бөлім бастығы. 1997-1999 жылдары — Қазақстан Республикасы Президенті протокол қызметінің бас сарапшысы, Қазақстан Республикасының Стамбул қаласындағы Бас консулы, 1999-2004 жылдары — ҚР Президенті протоколының бастығы, 2004-2006 жылдары — Қазақстан Республикасы Президенті протоколының бастығы — Қазақстан Респубилкасы Президентінің кеңесшісі. 2006-2007 жылдары — Қазақстан Республикасының Ресей Федерациясындағы Төтенше және Өкілетті Елшісі. 2007 жылы қаңтарда айынан Қазақстан Республикасы Білім және Ғылым министрі болып тағайындалды. 2010 жылы қазанда – Қазақстан Республикасының Түркия Республикасындағы Төтенше және Өкілетті Елшісі болып тағайындалды.
2016 жылдың қазан айынан Оңтүстік Қазақстан облысының әкімі болып тағайындалса, 2018 жылдың маусым айынан бастап жаңадан құрылған Түркістан облысының тұңғыш әкімі қызметін абыроймен атқарып келеді.
2011 жылы наурызда Түркия Республикасындағы Төтенше және Өкілетті Елшісі Қазақстан Республикасының Албания Республикасындағы Төтенше және Өкілетті Елшісі қызметін қоса атқарушы болып тағайындалды.
«Қазақ тілінің тарихи грамматикасы», «Қазіргі қазақ тілінің лексикологиясы», «Қазақ тілі», «Қазақ тілі: Грамматикалық анықтамалық», т.б. кітаптардың авторы.
«Құрмет» орденімен, медальдармен марапатталған.
Жансейіт Қансейітұлына, зор денсаулық тілей отырып, айналаңыз қуаныш пен шаттыққа, бақыт пен табысқа, шат күлкі мен махаббатқа, мейірім мен қамқорлыққа толсын дейміз! Әр сәт сізге тек бақыт пен қуаныш сыйласын!
