Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ MEDIA
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Жаңалықтар»Жамбыл облысында алғаш рет қазақтың ұлттық дәстүрлер фестивалі өтті
    Жаңалықтар

    Жамбыл облысында алғаш рет қазақтың ұлттық дәстүрлер фестивалі өтті

    Айғақ медиаАйғақ медиа02.07.2018486 Views

    Жамбыл облысы Жуалы ауданында алғаш рет қазақтың ұлттық дәстүрлерінің фестивалі өтті.

    Шара аясында әдет-ғұрыптар, салт-дәстүрлер көрсетіліп, ұмыт болған қазақы құндылықтар жаңғыртылды. Қымызмұрындық ұйымдастырылып, үздік қымыз өндірушілер өз өнімдерін көпшілікке ұсынды. Сонымен қатар «Мәңгілік ел» саябағының бір бөлігі ашылып, ел игілігіне берілді.

    Дәстүрлер фестивалі ерекше ұйымдастырылды. Қазақы киіз үйлер, ұлттық киім киген арулар, түтіні будақтаған қазан-ошақ. Әсіресе, ысқа піскен таба нан мен ыстық бауырсақтың иісі мұрын жарады. Қонақтарға қымыз ұсынып, бата алып жатқан жастар көп. Қариялар мен ардагерлер терме тыңдап, айтыс тамашалады. Ал жастар жағы алтыбақанды төңіректеп жүр.

    Салтанат Әжібекова, Бауыржан Момышұлы ауылының тұрғыны:

    – Өте керемет көңіл-күйдеміз. Еліміздің елордасы Астана мерекесімен тұспа-тұс келіп жатыр. Оған да қуанып тұрмыз.

    Әбілқасым Ергебеков, Жуалы ауданының құрметті азаматы:

    – Қазақтың әдет-ғұрпы, салт-дәстүрі жаңғырып жатыр. Осындай демалыс, халқымыздың ұмыт болған салт-дәстүрлерін жаңғырту – біз үшін үлкен қуаныш.

    Этноауылдың бірнеше бөлігінде әр түрлі шаралар қатар өтіп жатты. Әр ауыл өзінше тәтті тағамдар әзірледі. Қылқалам шеберлері Жуалының сұлу табиғатын суреттесе, термешілер мен батагөйлер сахнада өнер көрсетті. Фестивальді көруге аймақтың барлық аудандарынан тұрғындар арнайы келген.

    Руслан Бақытбекұлы, Twitter @rusput_24kz

    – Қымызмұрындық қызып жатыр. Шараға 10 ауданнан жүздеген қымызқұмар тұрғын арнайы келіпті. Қазір Қарасаз бен Ақбастау ауылының жігіттері қымыз ішіп жарысып отыр. Бесті қымызды көп мөлшерде ішу кез келген адамның қолынан келе бермейді. Өйткені бұл – 5 түн сақталып, ашуы әбден жеткен қымыз.

    Негізгі әрі ерекше өткен шараның бірі қымызмұрындық болды. Келушілерге түрлі әдіспен дайындалған 14 қымыз өндірушінің 5 түрлі өнімі ұсынылды. Байқау кезінде қымызқұмарлар 1 тонна қымызды тауысты. Ал меймандарға арнап ет асылып, 1 тонна бауырсақ пісірілді.

    Бахтияр Көпбосынов, Жуалы ауданының әкімі:

    – Судың бағасы қазір қымыздың бағасымен бірдей. Біз қымыздың пайдасын, емдік қасиетін көрсеткіміз келеді.

    Шара Бауыржан Момышұлы саябағының жанындағы алаңда қыз қуу, теңге ілу және аударыспақ ойындарымен жалғасты. Сондай-ақ жұрт «Мәңгілік ел» саябағының бір бөлігін ашу салтанатына қатысып, жасанды көлшікке су жіберу рәсіміне қатысты.

    Дереккөз: 24.kz.

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    ШЫМКЕНТ МЕРГЕНДЕРІ ӘЛЕМДІК АРЕНАДАДА ТОП ЖАРДЫ

    16.11.2026

    ҚАЛАНЫҢ ЖАСЫЛ КЕЛБЕТІ: ЭКОЛОГИЯЛЫҚ ЖАҢҒЫРУ МЕН ТАЗА ОРТАҒА БАҒЫТТАЛҒАН ЖҰМЫСТАР

    16.11.2026

    ДАҢҚТЫ БАПКЕРДІҢ ҚҰРМЕТІНЕ ХАЛЫҚАРАЛЫҚ ДОДА

    12.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.