Сайлау атты саяси додаға дайындық мерзімі жақындаған сайын қыза түсуде. Мәслихаттар сайлауына байланысты Конституцияға енгізілген өзгерістер мен толықтыруларға сәйкес «Нұр Отан» партиясы облыстағы барлық сайлау округы бойынша мәслихат депутаттығына үмтікерлерді анықтау үшін ақпанның 1-5 аралығында облыс бойынша праймериздер өткізілуде. Бұл жолы Оңтүстік Қазақстан облыстық мәслихатына Сайрам аудандық №36 сайлау округы бойынша кандидаттар сынға түсті.
Көшбасшы партияның облыстық және Сайрам аудандық филиалы төрағаларының бірінші орынбасарлары, бастауыш партия ұйымдарының төрағалары олардан сайланған таңдаушылар, үміткерлер және үміткерлердің сенімді өкілдері қатысқан праймеризге 5 бастауыш партия ұйымынан 272 таңдаушы сайланған. Белгілі болғандай облыстық мәслихатына Сайрам аудандық №36 сайлау округының депутаттық мандатына 2 үміткер ұсынылыпты. Мұнда мәслихат депутаттығына ұсынуға үміткерлерді анықтау бойынша концепцияны жүзеге асырудың барлық негізгі принциптері сақталған. «Нұр Отан» партиясы Оңтүстік Қазақстан облыстық филиалы төрағасының бірінші орынбасары Берік Оспанов ашып, жиналғандарға праймериздің өткізу нұсқаулығымен таныстырған соң, сөз әріптік тәртіппен үміткер Серікжан Сейтжановқа берілді. Мұнан соң өзінің сайлауалды бағдарламасымен жиналған көпшілікке екінші үміткер Перизат Шоқақов таныстырды.
Сайлауалды бағдарламаларын ортаға салып, сенімді өкілдері арқылы өмірбаяндарымен таныс болған көпшілік мұнан соң өз таңдауын жасауға сайлаудағыдай жарақтандырылған кабиналарда үміткерлердің есімдері енгізілген бюллетендерді алып жасырын дауыс берді.Баламалық, тең мүмкіндік, ашықтық және жауапкершілік прициптері сақталған жиынға келген халық өз таңдауларын жасады. 
Праймеризге қатысқан 265 таңдаушылардың дауыс беру қорытындысы бойынша Серікжан Сейтжанов 219 дауыс жинап айқын басымдылықпен көпшіліктің қолдауына ие болып Сайрам ауданы №36 сайлау округінен облыстық мәслихат депутаттығына үміткер болып танылды.
