Тәуелсіздіктің 24 жылдығы-қазақ тарихындағы ел керуенінің бастан өткізген ұлы жолы. Қазақ жерінің қай аймағын алып қарасаң да ұшқан құс қанаты талатын, жүгірген аң жете алмайтын кең аймақ. Алтайдан Атырауға дейін созылып жатқан осынау атамекеніміздің даласы мен таулары тұнып тұрған тарих, шежіре, ән мен жыр екені әлемге аян. Асқақтап аспанды тіреген Алатау-Қазақстанның айбыны мен айбары, Ұлытау ұлылығын, Сұлу Көкше күмбірлеген күй көңілі, ал Қаратау қазыналы аймақ. Осынау атамекенді ұрпағына ұлықтап қалдырған ата-баба аманаты-бүгінде өз жемісін беріп келеді. Елбасы Нұрсұлтан Назарбаевтың салған дара жолы-мемлекетіміздің тұғырының биіктігін танытты. Дамыған 50 елдің қатарына енген ел үшін ендігі белес үздік отыздықтың салмағынан көріну. Бұл мақсатта Қазақстанның экономикалық-әлеуметтік бағыттағы әрбір қадамы қарышты дамып келеді. Ел Тәуелсіздігінің осынау мерекесін Оңтүстік жұртшылығы өз салтанатымен атап өтті. 
Ұлы дала ұрпақтарының егеменді ел үшін өткізген тартысты жылдарының тартымды оқиғасын бүгінгі ұрпақтың көз алдына әкелуге тырысып бақты алдымен. Сахналандырылған көрініс арқылы мерекелік жиын өз бастауын тауып, көрермендердің ыстық ықыласына бөленді. Ал, бүгінгі ұлық мейрамның 24 жылдығы берекелі уақыттың керуені болғандығын ерекше атап өткен облыс әкімі Бейбіт Атамқұлов құттықтау тілеген жұртшылыққа жолдады. 
Бірін бірі дос тұту бірлікке бастайды. Бірлік-ынтымақтан, ынтымақ-татулықтан, татулық-бауырмалдықтан өрбімек. Тәуелсіздік атты қастерлі ұғымның қасиетті, қадірі ерек. Қасық қаны қалғанша халқының қамын ойлап, нұрлы болашақтың ертеңіне үңілген ел азаматтары алдында бүгінгі ұрпақ мәңгілікке тәу етеді. Сол себепті де Оңтүстік өңірі ынтымақ пен тыныштықтың ерекше қалыптастыруға белсене атсалысып келеді. Мерекелік жиында ҚР Президентінің Жарлығына сәйкес, мемлекеттік және қоғамдық қызметте сіңірген еңбегі, елдің әлеуметтік-экономикалық және мәдени дамуына, халықтар арасындағы достықты нығайтуға қосқан елеулі үлес үшін облысымыздың 70 азаматы ҚР Мемлекеттік наградалармен марапатталды.
КСРО Мемлекеттік сыйлығының лауреаты, Шымкент қаласының «Құрметті азаматы» Аманәлі Әбдіраманов «Құрмет» орденінің иегері
«Kazakh Textile International» ЖШС бас директоры, заң ғылымдарының докторы Қайрат Балабиев «Құрмет» орденінің иегері
Мәңгілік болашаққа жол салған Қазақстанымыздың асыл қазынасы жасампаз елдің жастарымен мәңгілікке жасай бермек.
Салтанат Тойболова
