Мұндай мүмкіндікке ие болу үшін «Жедел түрде ХҚКО» көмегіне жүгіне аласыз. Облыстық Халыққа қызмет көрсету орталығының директоры Серік Ауғанбаевтың айтуынша, мұндағы мамандар күні бүгінге дейін 500-ге таяу қала тұрғыны мен 800-ден астам мемлекеттік қызмет түрлеріне интернет көмегі арқылы құжат рәсімдеп үлгеріпті.
«Жедел ХҚКО» қызметіне жүгіну үшін кез-келген жеке тұлғаның мүмкіндігі бар. Яғни, сіз үйде отырып-ақ, ХҚКО қызметкерлеріне электронды-цифрлық қолхат арқылы құжат дайындауға өтініш беруіңізге болады. «Жедел ХҚКО-нан» қандай да бір құжатты рәсімдеу қажет болса, 1414 тегін қоңырау байланыс нөміріне қоңырау шалыңыз. Сіздің өтінішіңіз 72 сағат уақыт ішінде толық жүзеге асады. Бір сөзбен айтқанда, сіз осы амал-шарттар арқылы ХҚКО-ның 191 қызмет түрін пайдалануыңызға болады. Сондай-ақ, сіз өзге тараптан сыбайлас жемқорлық және құқықбұзушылық іс-әрекеттерін байқаған жағдайда, 117 немесе 144 сенім телефон нөмірлері арқылы хабарлауыңызға да мүмкіндік бар. Шымкенттіктер ендігі жерде құжаттарын үйден шықпай-ақ алуына болады
Анықтама үшін:
ОҚО ХҚКО – 21-46-79.
Абай аудандық ХҚКО – 21-46-38.
Әл-Фараби аудандық ХҚКО — 39-51-02.
Еңбекші аудандық ХҚКО — 41-06-46, 41-06-88.
Қаратау аудандық ХҚКО — 77-06-65, 77-06-67.
