Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ media
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Жаңалықтар»АЗИЯДАДАҒЫ АЛТЫН: РИНГТЕГІ РУХ, КІЛЕМДЕГІ ҚАЙРАТ
    Жаңалықтар

    АЗИЯДАДАҒЫ АЛТЫН: РИНГТЕГІ РУХ, КІЛЕМДЕГІ ҚАЙРАТ

    Айғақ медиаАйғақ медиа07.10.202617 Views

    Жапонияның Айти префектурасы мен Нагоя қаласында өтіп жатқан ХХ жазғы Азия ойындарында Қазақстан құрамасының қоржыны тағы да Шымкент спортшыларының жеңістерімен толықты. Қос спортшы – бокстан Төрехан Сабырхан мен еркін күрестен Начын Куулар құрлық додасында ел намысын абыроймен қорғап, бір алтын және бір қола жүлдені қанжығаға байлады.

    Бұл – жекелеген спортшылардың ғана жеңісі емес, Шымкентте кәсіби спортты дамытуға, жас таланттарды қолдауға және халықаралық деңгейдегі бәсекеге қабілетті спортшыларды тәрбиелеуге бағытталған жүйелі жұмыстың нәтижесі.

    70 келіге дейінгі салмақта шаршы алаңға шыққан әлем чемпионы Төрехан Сабырхан Азия ойындарының чемпионы атанды. Шымкенттік былғары қолғап шебері жарыс бойы қарсыластарының барлығын сенімді басымдықпен жеңіп, Қазақстан құрамасының сапындағы ең жарқын нәтижелердің бірін көрсетті.

    Төрехан Сабырхан алдымен 1/8 финалда Қатар спортшысы Мохаммед Дбичиді 5:0 есебімен жеңді. Ширек финалда Ирак өкілі Әли Касим Хамдан Әл-Сарайды бірінші раундта нокаутқа жіберді. Жартылай финалда Өзбекстан боксшысы Шавкатжан Болтаевтан 5:0 есебімен басым түсті.

    Ал финалда Иордания өкілі Зейад Ишаишпен кездесіп, төрешілердің бірауызды шешімімен 5:0 есебінде жеңіске жетті.

    Осылайша Төрехан Сабырхан Азиада чемпионы атанып қана қоймай, Қазақстан құрамасының құрлық додасындағы оныншы алтын жүлдесін иеленді.

    Қазақстан боксшыларының Азия ойындарындағы алтын жүлдесі бұған дейін 2014 жылғы Инчхон додасында бұйырған еді. Арада он екі жыл өткен соң қазақ боксының Азиададағы жеңісті дәстүрін Шымкент спортшысы жалғастырып отыр. Бұл – отандық бокс үшін де, шымкенттік спорт мектебі үшін де айрықша нәтиже.

    Шымкенттік спортшылардың Азиададағы жетістігін еркін күрес шебері Начын Куулардың қола жүлдесі толықтырды.

    65 келіге дейінгі салмақта сынға түскен спортшы қола медаль үшін Солтүстік Корея өкілі Ким Кван Жимен белдесті. Кездесу барысында есеп бойынша есе жіберіп тұрған шымкенттік балуан шешуші сәтте сабырлылық пен шеберлік танытып, таразы басын өз пайдасына аудара білді.

    Нәтижесінде Начын Куулар қарсыласын 7:5 есебімен жеңіп, Азия ойындарының қола жүлдесіне ие болды.

    Бұл медальдің де маңызы зор. Өйткені күрес – қазақ спортының тарихи тамыры терең, ұлттық болмысымызбен біте қайнасқан спорт түрі. Бүгінде осы дәстүрді заманауи спорт жүйесімен сабақтастыра отырып, халықаралық аренада ел намысын қорғайтын балуандарды тәрбиелеу – маңызды міндеттердің бірі.

    Шымкент спортшыларының Азиада төріндегі табысы кездейсоқ келген жетістік емес. Соңғы жылдары елімізде спорт инфрақұрылымын дамытуға, балалар мен жасөспірімдерді спортқа тартуға, кәсіби спортшылардың шеберлігін арттыруға ерекше мән беріліп келеді.

    Мемлекет басшысы Қасым-Жомарт Тоқаев бұқаралық спортты дамыту, балалар мен жастардың спортпен тұрақты айналысуына жағдай жасау, спорттық инфрақұрылымды қолжетімді ету және елдің халықаралық аренадағы спорттық беделін арттыру бағыттарын үнемі назарда ұстап келеді.

    Бүгінгі Азия ойындарындағы Төрехан Сабырхан мен Начын Куулардың жетістігі – кешегі жаттығудың ғана емес, ертеңгі чемпиондарды тәрбиелеуге бағытталған ұзақ мерзімді жұмыстың нәтижесі.

    Азия ойындарының төрінде Шымкент спортшылары осылайша қаланың ғана емес, тұтас Қазақстанның абыройын асқақтатты. Ең бастысы, бұл жеңістер ел спортындағы жаңа белестердің бастауы болғай.

     

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    ПУМСЭ ТАЕКВОНДОСЫ РЕСМИ МӘРТЕБЕСІН АЛДЫ

    18.11.2026

    ҰЛТТЫҚ ВАЛЮТАҒА – 33 ЖЫЛ

    18.11.2026

    ЦИФРЛЫҚ ДӘУІРДЕГІ ЖАСТАРДЫҢ ӘЛЕУЕТІ

    18.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.